తెలుగు సినిమా ఇండస్ట్రీకి తెలుగు అమ్మాయిల కంటే పర భాష నుంచి వచ్చే అమ్మాయిలే ఎక్కువ. ఈ విషయం గురించి ప్రత్యేకంగా చెప్పాల్సిన పనిలేదు. తెలుగమ్మాయిలకి ఛాన్సులివ్వరు..అని ఎప్పుడూ ఓ మాట వినిపిస్తుంటుంది. దీనికి రక రకాల కారణాలను మేకర్స్ చెప్తుంటారు. ఈ మధ్య కొన్ని చిన్న సినిమాలలో యంగ్ బ్యూటీస్ తెలుగు వారే కావడం విశేషం. అయితే, రవితేజ సరసన నటించిన హీరోయిన్ ని చూసి అందరూ సిమ్రాన్ తో పోల్చుకొని పెద్ద హీరోయిన్ అవుతుందనుకున్నారు.
కానీ, చేసిన ప్రతీ సినిమా బాక్సాఫీస్ వద్ద బోల్తా పడటంతో ఐరెన్ లెగ్ అనే ట్యాగ్ తగిలించేలా ఉంది ప్రస్తుతం పరిస్థితి. ఆ హీరోయిన్ మరెవరో కాదు, భాగ్యశ్రీ బోర్సే. పూణె నగరానికి చెందిన ఈ బ్యూటీ మొదట బాలీవుడ్ మూవీలో గెస్ట్ అపీరియన్స్ ఇచ్చింది. ఈ మూవీలో ఆమె పాత్ర చూసి దర్శకుడు హరీష్ శంకర్ మిస్టర్ బచ్చన్ సినిమాతో టాలీవుడ్ ఇండస్ట్రీకి హీరోయిన్గా పరిచయం చేశాడు. రవితేజ నటించిన ఈ మూవీలో సాంగ్స్ లో భాగ్యశ్రీ బోర్సే అందాల ఆరబోతతో బాగానే ఆకట్టుకుంది. ఈ మూవీ ఫ్లాప్ అయినా కూడా, వరుసగా అవకాశాలను అందుకుంది.
ఫ్లాప్ హీరోయిన్గా మిగిలిపోతుందా?
భాగ్యశ్రీ బోర్సే..ప్రస్తుతం ఈ నాజూకు అందాల భామ చేతిలో ఒక్క సినిమానే ఉంది. అఖిల్ అక్కినేని హీరోయిన్గా నటిస్తున్న లెనిన్. ఈ మూవీలో వాస్తవానికి హీరోయిన్గా ముందు ఎంపికైంది శ్రీలీల. కానీ, ఇతర సినిమాలతో బిజీగా ఉండి డేట్స్ సర్దుబాటు కాకపోవడంతో, ఈ ప్రాజెక్ట్ నుంచి తప్పుకుంది. ఆ ప్లేస్ ని మేకర్స్ భాగ్యశ్రీతో భర్తీ చేశారు. ఇప్పటి వరకూ లెనిన్ సినిమా నుంచి వచ్చిన ప్రమోషనల్ కంటెంట్ అంతా పాజిటివ్ బజ్ ని క్రియేట్ చేసింది. ఆ మధ్య రిలీజైన సాంగ్ కూడా బాగానే ఆకట్టుకుంది.
హిట్ దక్కేదెంతవరకూ?
లెనిన్ మూవీ హిట్ అనేది హీరోగా అఖిల్, హీరోయిన్గా భాగ్యశ్రీ బోర్సే కి చాలా అవసరం. వీరిద్దరికీ, ఇప్పటి వరకూ ఒక్కటి కూడా సాలీడ్ హిట్ దక్కలేదు. దాంతో, ఆశలన్నీ లెనిన్ మీదే పెట్టుకున్నారు. భాగ్యశ్రీ బోర్సే కి ఆంధ్రాకింగ్ తాలూకాతో హిట్ దక్కినట్టే అనుకున్నారు. కానీ, ఫైనల్ రన్ లో ఈ మూవీ కూడా డిసప్పాయింట్ చేసింది. అసలే, మన వాళ్ళకి సెంటిమెంట్స్ ఎక్కువ. హీరోయిన్ విషయంలో మరీను. వరుస ఫ్లాప్స్ వెంటాడుతున్న హీరోయిన్ని పక్కన పెట్టేస్తారు. మరి, భాగ్యశ్రీ బోర్సే లెనిన్ మూవీతో ఆ గండం నుంచి బయటపడుతుందా లేదా చూడాలి.
