తన డబ్బును అనవసరంగా ఖర్చు పెట్టాడనే కోపంతో తన వద్ద పని చేస్తున్న డ్రైవర్‌ను యజమానులు చిత్రహింసలు పెట్టాడు. ఫ్యాన్‌కు తలకిందులుగా వేలాడి దీసి కసి తీరా తన మనుషులతో కలిసి కొట్టారు. బాధను భరించలేక వదిలేయమని బతిమాలినా కనికరించలేదు. ఇనుప రాడ్ తీసి అతడి జననాంగాల్లో దూర్చి మరీ నరకం చూపించారు.
బాధ తట్టుకోలేక ఏడుస్తుంటే రాక్షసానందం పొందారు. మహారాష్ట్రలోని నాగపూర్‌లో ఘటన జరిగింది. విక్కీ అగ్లవే అనే డ్రైవర్ అఖిల్ పోహాన్కర్ దగ్గర డ్రైవర్‌గా పనిచేస్తున్నాడు. నాలుగు రోజుల క్రితం విక్కీ లోడుతో కేరళలోని తిరువనంతపురం వెళ్లాల్సి ఉంది. డీజిల్ ఖర్చులతో ఇతరాలకు యజమాని రూ.30వేలు ఇచ్చాడు.
కానీ డ్రైవర్ మాత్రం ఆ డబ్బును మద్యానికి, బట్టలు కొనుగోలు చేయడానికి వాడుకున్నాడు. అంతటితో ఆగకుండా యజమాని ఫోన్ చేసినా స్పందించ లేదు. గురువారం లోడ్ వెళ్లాల్సి ఉన్నా శనివారం వరకు ట్రక్కును అక్కడే వదిలేసి తనకు ఆరోగ్యం సరిగా లేదని చెప్పాడు.
విక్కీపై కోపంతో రగిలిపోయిన యజమాని అతడ్ని ఆఫీసుకు పిలిపించాడు. అతడి చేతులు, కాళ్లు కట్టేసి ఫ్యాన్‌కు కిందకు మీదకు వేలాడదీశాడు. అతడిపై దాడి చేసి చిత్రహింసలు పెట్టారు. ఇనుప రాడ్‌తో నరకం చూపించాడు. ఈ సీన్ మొత్తం ఎవరో మొబైల్‌లో రికార్డ్ చేయగా తర్వాత సోషల్ మీడియాకు చేరింది. దీంతో పోలీసులు విక్కీని టార్చర్ చేసిన వారిపై కేసు నమోదు చేసి అరెస్ట్ చేశారు.