న్యాచురల్ స్టార్ నాని, దర్శకుడు శ్రీకాంత్ ఓదెల కాంబినేషన్లో తెరకెక్కుతున్న మోస్ట్ అవైటెడ్ మూవీ ‘ది ప్యారడైజ్’పై ప్రస్తుతం భారీ అంచనాలు నెలకొన్నాయి. సినిమా విడుదలకు సమయం దగ్గరపడటంతో చిత్ర బృందం చివరి దశ పనులను వేగంగా పూర్తి చేసే పనిలో ఉంది.
ఈ నెల 23న పెయిడ్ ప్రీమియర్స్తో ప్రేక్షకుల ముందుకు రానున్న ‘ది ప్యారడైజ్’ The Paradise, 24న గ్రాండ్గా థియేటర్లలో విడుదల కానుంది. రిలీజ్కు మరికొద్ది రోజులే సమయం ఉండటంతో పోస్ట్ ప్రొడక్షన్, రీ-రికార్డింగ్, ప్యాచ్ వర్క్ వంటి కీలక పనులు శరవేగంగా జరుగుతున్నాయి.
దర్శకుడు శ్రీకాంత్ ఓదెల సంగీత దర్శకుడు అనిరుధ్తో కలిసి బ్యాక్గ్రౌండ్ స్కోర్ పనులను దగ్గరుండి పర్యవేక్షిస్తున్నట్లు తెలుస్తోంది. ఇదే సమయంలో సినిమా పోస్ట్ ప్రొడక్షన్కు సంబంధించిన కొన్ని కీలక డెలివరీ పనులను హీరో నాని స్వయంగా చూసుకుంటున్నాడనే టాక్ వినిపిస్తోంది. దీంతో ‘ది ప్యారడైజ్’ కోసం నాని హీరోగానే కాకుండా మరో బాధ్యతను కూడా భుజాన వేసుకున్నాడనే చర్చ మొదలైంది.
మరోవైపు ఈ సినిమాకు ట్రైలర్ విడుదల చేయడం లేదని ఇప్పటికే చిత్ర బృందం ప్రకటించడం ఆసక్తిని రేకెత్తిస్తోంది. రిలీజ్కు ముందు భారీ స్థాయిలో ప్రమోషన్స్కు సమయం తక్కువగా ఉండటంతో డిజిటల్ క్యాంపెయిన్స్తో పాటు ప్రీ-రిలీజ్ ఈవెంట్పై ప్రధానంగా ఫోకస్ పెట్టినట్లు సమాచారం.
పోస్ట్ ప్రొడక్షన్ పనులను పర్యవేక్షిస్తూనే ప్రమోషనల్ యాక్టివిటీస్ను నాని ఎలా బ్యాలెన్స్ చేస్తాడనేది ఆసక్తికరంగా మారింది. ముఖ్యంగా ట్రైలర్ లేకుండా, పరిమిత ప్రమోషనల్ కంటెంట్తో ‘ది ప్యారడైజ్’పై ఉన్న హైప్ను అడ్వాన్స్ బుకింగ్స్ వరకు మేకర్స్ ఎలా కొనసాగిస్తారో చూడాలి.
