నేచురల్ స్టార్ నాని, దర్శకుడు శ్రీకాంత్ ఓదెల కాంబినేషన్లో తెరకెక్కిన మోస్ట్ అవైటెడ్ మూవీ ‘ది ప్యారడైజ్’ The Paradise. సాలిడ్ యాక్షన్ డ్రామాగా రూపొందిన ఈ సినిమా కోసం తెలుగు ప్రేక్షకులు ఎంతో ఆసక్తిగా ఎదురుచూస్తున్నారు. సెప్టెంబర్ 24న సినిమా థియేటర్లలోకి రానుండగా, ప్రపంచవ్యాప్తంగా ఒకరోజు ముందుగానే ప్రీమియర్ షోలు ప్లాన్ చేశారు.
తెలుగు రాష్ట్రాల్లో కూడా సెప్టెంబర్ 23 సాయంత్రం లేదా రాత్రి నుంచి ప్రీమియర్ షోలు ప్రారంభం కానున్నట్లు సమాచారం. అయితే షో టైమ్ దగ్గరపడుతున్నప్పటికీ తెలంగాణ, ఆంధ్రప్రదేశ్లో ప్రీమియర్స్కు సంబంధించిన అడ్వాన్స్ బుకింగ్స్ ఇంకా ప్రారంభం కాలేదు. టికెట్ ధరలు ఎక్కువగా ఉన్నప్పటికీ ముందుగానే సినిమాను చూసేందుకు సిద్ధంగా ఉన్న అభిమానులు, ప్రేక్షకులు బుకింగ్స్ ఎప్పుడు ఓపెన్ అవుతాయా అని ఆసక్తిగా ఎదురుచూస్తున్నారు.
అయితే బుకింగ్స్ ఆలస్యానికి ఓ కారణం ఉన్నట్లు తెలుస్తోంది. గతంలో కొన్ని సినిమాలకు ప్రీమియర్ షోలు ముందుగానే ప్లాన్ చేసినప్పటికీ, చివరి నిమిషంలో కంటెంట్ అందుబాటులోకి రావడంలో ఆలస్యం కావడంతో షోలు ఆలస్యంగా ప్రారంభమైన సందర్భాలు ఉన్నాయి.
అలాంటి పరిస్థితులు ‘ది ప్యారడైజ్’ విషయంలో ఎదురుకాకుండా మేకర్స్ జాగ్రత్తలు తీసుకుంటున్నట్లు సమాచారం. ప్రీమియర్ షోల కోసం అవసరమైన కంటెంట్ పూర్తిగా అందుబాటులోకి వచ్చిన తర్వాతే తెలుగు రాష్ట్రాల్లో బుకింగ్స్ ప్రారంభించాలని నిర్ణయించినట్లు టాక్ వినిపిస్తోంది.
దీంతో బుకింగ్స్ ఓపెన్ కావడానికి మరికొంత సమయం పట్టే అవకాశం ఉంది. అయితే ఖచ్చితంగా ఎప్పుడు టికెట్ విండోస్ అందుబాటులోకి వస్తాయనే విషయంపై ఇంకా అధికారిక సమాచారం రావాల్సి ఉంది.
నాని, శ్రీకాంత్ ఓదెల కాంబినేషన్లో వస్తున్న ‘ది ప్యారడైజ్’పై ఇప్పటికే భారీ హైప్ నెలకొంది. ఇప్పుడు ప్రీమియర్ బుకింగ్స్ కోసం అభిమానులు ఆసక్తిగా ఎదురుచూస్తుండటంతో, మేకర్స్ నుంచి వచ్చే ప్రకటనపై అందరి దృష్టి ఉంది.
