ఐకాన్ స్టార్ అల్లు అర్జున్ హీరోగా, దర్శకుడు అట్లీ తెరకెక్కిస్తున్న సెన్సేషనల్ ప్రాజెక్ట్ ‘రాకా’పై ఇప్పటికే భారీ అంచనాలు నెలకొన్నాయి. పాన్ వరల్డ్ స్థాయిలో రూపొందుతున్న ఈ చిత్రం భారీ విజువల్స్తో ప్రేక్షకులను ఆకట్టుకునేలా తెరకెక్కుతున్నట్లు తెలుస్తోంది. సినిమా విడుదలకు ముందే పలు కారణాలతో వార్తల్లో నిలుస్తున్న ‘రాకా’ తాజాగా మరో ప్రత్యేకతను సొంతం చేసుకుంది.
‘రాకా’కు Raaka గిన్నిస్ వరల్డ్ రికార్డ్స్లో చోటు దక్కడం ఇప్పుడు టాలీవుడ్లో ఆసక్తికరంగా మారింది. ఈ సందర్భంగా మేకర్స్ ప్రత్యేకంగా ఓ ఈవెంట్ను నిర్వహించారు. అయితే ఈ కార్యక్రమం ఎలా జరిగింది? ఇందులో ఎలాంటి విశేషాలు చోటుచేసుకున్నాయి? ఎవరు పాల్గొన్నారు? అనే పూర్తి వివరాలను మాత్రం ఇప్పటివరకు వెల్లడించలేదు.
ఈ ఈవెంట్కు సంబంధించిన చిన్న ప్రోమోను మాత్రమే మేకర్స్ విడుదల చేశారు. దీంతో అసలు గిన్నిస్ రికార్డ్ ఈవెంట్ ఎలా జరిగింది అనే ఆసక్తి అభిమానుల్లో పెరిగింది. ఇప్పుడు ఈ ఉత్కంఠకు తెరదించుతూ మేకర్స్ ఫుల్ ఈవెంట్ను ఎక్కడ చూడవచ్చో అధికారికంగా వెల్లడించారు.
‘రాకా’ చిత్రాన్ని నిర్మిస్తున్న సన్ పిక్చర్స్కు చెందిన ఓటీటీ ప్లాట్ఫామ్ సన్ నెక్స్ట్లో ఈ గిన్నిస్ వరల్డ్ రికార్డ్ ఈవెంట్ను పూర్తిగా స్ట్రీమింగ్ చేయనున్నట్లు ప్రకటించారు. దీంతో సన్ నెక్స్ట్ సబ్స్క్రైబర్లు ఈ ప్రత్యేక కార్యక్రమాన్ని పూర్తిగా వీక్షించే అవకాశం ఉంది.
ఈ ఫుల్ ఈవెంట్లో ‘రాకా’కు గిన్నిస్ రికార్డ్ ఎలా దక్కింది, కార్యక్రమంలో ఎవరెవరు పాల్గొన్నారు, ఏం మాట్లాడారు, ప్రధాన హైలైట్స్ ఏంటి అనే విషయాలు పూర్తిగా తెలిసే అవకాశం ఉంది. ఇప్పటివరకు కేవలం ప్రోమోతో ఆసక్తి పెంచిన ఈ కార్యక్రమానికి సంబంధించిన పూర్తి వివరాలు ఇప్పుడు ఓటీటీ ద్వారా ప్రేక్షకుల ముందుకు రానున్నాయి.
అల్లు అర్జున్, అట్లీ కాంబినేషన్లో తెరకెక్కుతున్న ‘రాకా’పై ఇప్పటికే దేశవ్యాప్తంగా భారీ క్రేజ్ ఉంది. ఈ గిన్నిస్ రికార్డ్ ఈవెంట్ కూడా సినిమాపై ఉన్న ఆసక్తిని మరింత పెంచేలా కనిపిస్తోంది.
