న్యాచురల్ స్టార్ నాని, దర్శకుడు శ్రీకాంత్ ఓదెల కాంబినేషన్లో తెరకెక్కుతున్న మోస్ట్ అవైటెడ్ పాన్-ఇండియా మూవీ **‘ది ప్యారడైజ్’**పై ప్రేక్షకుల్లో భారీ అంచనాలు ఉన్నాయి. ‘దసరా’ తర్వాత ఈ క్రేజీ కాంబినేషన్ మరోసారి కలిసి పనిచేస్తుండటంతో సినిమాపై హైప్ మరింత పెరిగింది.
ఇక ఈ సినిమా థియేట్రికల్ రిలీజ్ విషయంలో కొంతకాలంగా పలు రూమర్స్ సోషల్ మీడియాలో చక్కర్లు కొడుతున్నాయి. ముందుగా ప్రకటించిన తేదీకి సినిమా విడుదల కాకపోవచ్చనే ప్రచారం కూడా జరిగింది. అయితే తాజాగా ఈ వార్తలకు మేకర్స్ చెక్ పెట్టినట్లు తెలుస్తోంది.
‘ది ప్యారడైజ్’ The Paradise చిత్రాన్ని 2026 సెప్టెంబర్ 24న ప్రపంచవ్యాప్తంగా గ్రాండ్గా విడుదల చేయనున్నట్లు మేకర్స్ మరోసారి స్పష్టం చేశారు. దీంతో సినిమా వాయిదా పడుతుందనే ప్రచారానికి తెరపడింది. అనుకున్న తేదీకే ప్రేక్షకుల ముందుకు రావడం ఖాయమైంది.
ఇక ఈ యాక్షన్ డ్రామాను ఎస్ఎల్వి సినిమాస్ బ్యానర్పై సుధాకర్ చెరుకూరి అత్యంత ప్రతిష్టాత్మకంగా నిర్మిస్తున్నారు. నాని సరసన కయాదు లోహర్ హీరోయిన్గా నటిస్తుండగా, కలెక్షన్ కింగ్ మోహన్ బాబు, రాఘవ్ జుయల్ కీలక పాత్రల్లో కనిపించనున్నారు.
రాక్స్టార్ అనిరుధ్ రవిచందర్ ఈ సినిమాకు సంగీతం అందిస్తుండటం కూడా ప్రాజెక్ట్పై అంచనాలను మరింత పెంచుతోంది. సెప్టెంబర్ 24న ‘ది ప్యారడైజ్’ థియేటర్లలోకి రావడంతో పాటు అదే సమయంలో ‘జాతర’ కూడా ప్రేక్షకుల ముందుకు రానున్నట్లు టాక్. దీంతో ఆ రోజు బాక్సాఫీస్ వద్ద రెండు క్రేజీ సినిమాల మధ్య ఆసక్తికరమైన పోటీ నెలకొనే అవకాశం కనిపిస్తోంది.
