రౌడీ హీరో విజయ్ దేవరకొండ ప్రస్తుతం వరుస సినిమాలతో బిజీగా ఉన్న సంగతి తెలిసిందే. ఈ క్రమంలో దర్శకుడు రవి కిరణ్ కోలా తెరకెక్కిస్తున్న ‘రౌడీ జనార్దన’పై Rowdy Janardhana ప్రేక్షకుల్లో భారీ అంచనాలు నెలకొన్నాయి. గ్రామీణ నేపథ్యంలో తెరకెక్కుతున్న ఈ సినిమాకు సంబంధించిన తాజా అప్డేట్ ఇప్పుడు ఆసక్తిని పెంచుతోంది.
ప్రస్తుతం ఈ సినిమా కోసం ఓ భారీ ఎంట్రీ సీక్వెన్స్ను చిత్రీకరించేందుకు ప్రత్యేకంగా భారీ సెట్స్ నిర్మిస్తున్నట్లు తెలుస్తోంది. ఈ సీక్వెన్స్లో విజయ్ దేవరకొండ గెటప్ చాలా కొత్తగా, ఫ్యాన్స్కు ప్రత్యేక ట్రీట్ ఇచ్చేలా ఉండబోతుందని సమాచారం. అంతేకాకుండా ఈ యాక్షన్ ఎపిసోడ్లో విజయ్తో పాటు దాదాపు 40 మంది ఫైటర్స్ కూడా పాల్గొననున్నట్లు తెలుస్తోంది.
ఈ షెడ్యూల్ పూర్తయిన తర్వాత జరగనున్న తదుపరి షెడ్యూల్లో ఓ పాటను చిత్రీకరించేందుకు మేకర్స్ ప్లాన్ చేస్తున్నారట. మరోవైపు సినిమాలో వచ్చే ఫ్లాష్బ్యాక్ ఎపిసోడ్లో విజయ్ దేవరకొండ పూర్తిస్థాయి యాక్షన్ మోడ్లో కనిపించనున్నట్లు టాక్ వినిపిస్తోంది.
ముఖ్యంగా విజయ్ యాక్షన్ సీన్స్ సినిమాకు ప్రధాన హైలైట్గా నిలిచేలా దర్శకుడు రవి కిరణ్ కోలా డిజైన్ చేస్తున్నట్లు తెలుస్తోంది. ఇక ఈ చిత్రంలో సీనియర్ హీరో రాజశేఖర్ కీలక పాత్రలో నటిస్తున్న సంగతి తెలిసిందే. ఆయన పాత్రతో పాటు లుక్ కూడా ఇప్పటివరకు చూడని విధంగా కొత్తగా ఉండబోతుందని సమాచారం.
స్టార్ ప్రొడ్యూసర్ దిల్ రాజు నిర్మిస్తున్న ఈ సినిమాలో విజయ్ దేవరకొండకు జోడీగా కీర్తి సురేశ్ నటిస్తోంది. గ్రామీణ నేపథ్యంతో పాటు భారీ యాక్షన్ అంశాలతో తెరకెక్కుతున్న ఈ సినిమాపై ఇప్పటికే మంచి హైప్ ఉంది. మరి ఈ క్రేజీ ప్రాజెక్ట్ ప్రేక్షకులను ఏ స్థాయిలో ఆకట్టుకుంటుందో చూడాలి.
