రౌడీ హీరో విజయ్ దేవరకొండ ప్రస్తుతం వరుస సినిమాలతో బిజీగా ఉన్నారు. ఆయన చేతిలో ఉన్న ప్రాజెక్ట్స్లో హిస్టారికల్ మూవీ ‘రణబాలి’ ముందుగా ప్రేక్షకుల ముందుకు రానుండగా, ఆ తర్వాత దర్శకుడు రవికిరణ్ కోలా తెరకెక్కిస్తున్న ‘రౌడీ జనార్దన’ సినిమాతో ప్రేక్షకులను పలకరించనున్నారు.
తాజాగా విజయ్ దేవరకొండ ‘రణబాలి’ సినిమాకు సంబంధించిన తన పనులను దాదాపు పూర్తి చేసినట్లు తెలుస్తోంది. ఇటీవలే ఈ సినిమా షూటింగ్ను ముగించిన విజయ్, తాజాగా తన పాత్రకు సంబంధించిన టోటల్ డబ్బింగ్ను కూడా కంప్లీట్ చేసినట్లు సమాచారం. దీంతో ‘రణబాలి’ కోసం ఆయన చేయాల్సిన వర్క్ మొత్తం పూర్తయినట్టేనని చెప్పొచ్చు.
వెంటనే ‘రౌడీ జనార్దన’ Rowdy Janardhana షూట్లోకి!
‘రణబాలి’ పనులు పూర్తవడంతో విజయ్ దేవరకొండ ఎలాంటి గ్యాప్ తీసుకోకుండా తన తదుపరి ప్రాజెక్ట్పై ఫోకస్ పెట్టినట్లు తెలుస్తోంది. ‘రౌడీ జనార్దన’ కోసం ఆయన కొత్త మేకోవర్లోకి మారి షూటింగ్లో జాయిన్ అయినట్లు సమాచారం.
ఈ సినిమాలోని ఓ కీలకమైన యాక్షన్ సీక్వెన్స్ షూటింగ్లో విజయ్ పాల్గొంటున్నట్లు తెలుస్తోంది. కొత్త లుక్, యాక్షన్ టచ్తో రూపొందుతున్న ఈ ప్రాజెక్ట్పై అభిమానుల్లో ఆసక్తి నెలకొంది. ‘రణబాలి’తో హిస్టారికల్ బ్యాక్డ్రాప్లో కనిపించనున్న విజయ్, ఆ తర్వాత ‘రౌడీ జనార్దన’లో పూర్తి భిన్నమైన అవతార్లో కనిపించనున్నారు.
బ్యాక్ టు బ్యాక్ సినిమాలతో బిజీ
విజయ్ దేవరకొండ ఇలా వరుసగా ఒక సినిమా పనులను పూర్తి చేస్తూనే మరో ప్రాజెక్ట్ షూటింగ్లోకి వెళ్లడం ఆసక్తికరంగా మారింది. ‘రౌడీ జనార్దన’ను ప్రముఖ నిర్మాత దిల్ రాజు నిర్మిస్తున్న విషయం తెలిసిందే.
మరోవైపు ‘రణబాలి’ విడుదలకు సిద్ధమవుతుండటంతో ఈ సినిమాపై కూడా భారీ అంచనాలు ఉన్నాయి. మొత్తానికి విజయ్ దేవరకొండ బ్యాక్ టు బ్యాక్ ప్రాజెక్ట్స్తో ఫుల్ బిజీగా మారిపోయారు.
