తెలుగులో చాన్నాళ్ళ క్రితమే సినిమాలు ఆపేసిన హీరోయిన్ సదా.. ఇప్పుడు ఓ బోల్డ్ క్యారెక్టర్‌తో ప్రేక్షకుల ముందుకు వస్తోంది. అది కూడా తెలుగులో కాదండోయ్ తమిళంలో రానున్న ‘టార్చ్‌లైట్’ సినిమాలో ఆమె వేశ్య పాత్రలో కనిపించనుంది. 1990లో ఆంధ్రప్రదేశ్ – తమిళనాడు జాతీయ రహాదారిపై జరిగిన కొన్ని వాస్తవిక సంఘటనల ఆధారంగా ఈ సినిమాను తెరకెక్కిస్తున్నారు. మరో లీడ్ పాత్రలో రిత్విక కనిపిస్తోంది.
ఒకప్పుడు జాతీయ రహదారులపై ‘టార్చ్‌లైట్లు’తో విటులను వేశ్యలు ఆకర్షించే వారు, ఇప్పుడు అదే టైటిల్ మరియు ప్రధాన అంశంగా తీసుకుని ఈ సినిమా తెరకెక్కించారు. సినిమాకు తగినట్లే ఇందులో బోల్డ్ డైలాగులు ఉన్నాయి. ఈ సినిమాకు ప్రాంతీయ సెన్సార్ బోర్డు ఈ చిత్రానికి క్లియరెన్స్ సర్టిఫికెట్ జారీ చేసేందుకు నిరాకరించిందంటే ఆ సినిమా ఎంత ఘాటుగా ఉందొ అర్ధం చేసుకోవచ్చు. ఆ దెబ్బకి నిర్మాతలు ముంబయి వెళ్లి అక్కడ సీబీఎఫ్‌సీ నుంచి ‘ఎ’ సర్టిఫికెట్ పొందారు. ఈ సినిమాను తెలుగులోనూ అనువదించి ప్టెంబరు నెలలో విడుదల చేయనున్నారు. మరి ప్రస్తుతం తమిళంలో ఉన్న ట్రైలర్ మీరూ ఒక లుక్ వేసెయ్యండి మరి !
