సూపర్ స్టార్ మహేష్ బాబు హీరోగా, గ్లోబల్ స్టార్ డైరెక్టర్ ఎస్.ఎస్. రాజమౌళి తెరకెక్కిస్తున్న భారీ పాన్ వరల్డ్ చిత్రం ‘వారణాసి’ Varanasi. ఈ సినిమాపై ఇప్పటికే దేశవ్యాప్తంగా భారీ అంచనాలు నెలకొన్నాయి. రాజమౌళి నుంచి వస్తున్న సినిమా కావడంతో పాటు మహేష్ బాబు తొలిసారి ఆయన దర్శకత్వంలో నటిస్తుండటంతో ఈ ప్రాజెక్ట్పై హైప్ మరింత పెరిగింది.
ముఖ్యంగా ‘వారణాసి’ని పాన్ వరల్డ్ స్థాయిలో తెరకెక్కిస్తుండటంతో సినిమాకు సంబంధించిన ప్రతి అప్డేట్ కోసం అభిమానులు ఆసక్తిగా ఎదురుచూస్తున్నారు. ఇటీవల మహేష్ బాబు పుట్టినరోజు సందర్భంగా ఈ సినిమా నుంచి అదిరిపోయే పోస్టర్ లేదా ఏదైనా స్పెషల్ అప్డేట్ వస్తుందని ఫ్యాన్స్ భారీగా ఆశించారు. అయితే మేకర్స్ మాత్రం హాలీవుడ్ సినిమాల ప్రమోషన్ స్టైల్ను ఫాలో అవుతూ కొన్ని సింపుల్ స్టిల్స్ను మాత్రమే విడుదల చేశారు.
దీంతో అభిమానుల్లో కొంత నిరాశ కనిపించినప్పటికీ, ఇప్పుడు ‘వారణాసి’ నుంచి రాబోయే తదుపరి అప్డేట్పై ఆసక్తికరమైన బజ్ వినిపిస్తోంది. తాజా సమాచారం ప్రకారం, ఈ దసరా పండుగ సందర్భంగా సినిమా నుంచి భారీ అప్డేట్ వచ్చే అవకాశం ఉందని టాక్ నడుస్తోంది.
అంతేకాదు, దసరా నుంచి ‘వారణాసి’ ప్రమోషన్స్ను మరింత వేగవంతం చేయడంతో పాటు వరుసగా కొత్త అప్డేట్స్ను విడుదల చేసే ఆలోచనలో మేకర్స్ ఉన్నట్లు ప్రచారం జరుగుతోంది. అయితే ఈ విషయంపై చిత్రబృందం నుంచి అధికారిక ప్రకటన రావాల్సి ఉంది.
ఇప్పటికే సినిమాకు సంబంధించిన ప్రతీ విషయం సోషల్ మీడియాలో భారీ చర్చకు దారితీస్తుండటంతో, దసరాకు నిజంగానే ఏదైనా బిగ్ అప్డేట్ వస్తే మహేష్ అభిమానులకు పండుగ మరింత స్పెషల్గా మారడం ఖాయం. మరి ఈ క్రేజీ బజ్ ఎంతవరకు నిజమవుతుందో చూడాలి.
‘వారణాసి’కి ఎం.ఎం. కీరవాణి సంగీతం అందిస్తున్నారు. భారీ స్థాయిలో తెరకెక్కుతున్న ఈ చిత్రాన్ని వచ్చే ఏడాది మార్చి 7న ప్రపంచవ్యాప్తంగా విడుదల చేసేందుకు మేకర్స్ ప్లాన్ చేస్తున్నారు.
