తమిళ్ సినిమా నుంచి తాజాగా ప్రేక్షకుల ముందుకు వచ్చిన చిత్రాల్లో కార్తీ నటించిన ‘సర్దార్ 2’ Sardar 2 సూరి, సుహాస్ ప్రధాన పాత్రల్లో నటించిన ‘మండాడి’ సినిమాలు కూడా ఉన్నాయి. ఈ రెండు చిత్రాలు తెలుగులోనూ విడుదల కావడంతో తెలుగు ప్రేక్షకుల్లో కూడా మంచి ఆసక్తి నెలకొంది. అయితే రిలీజ్కు ముందు ఉన్న అంచనాలను చూస్తే ‘సర్దార్ 2’దే పైచేయిగా కనిపించింది.
‘సర్దార్’ సినిమాకు సీక్వెల్ కావడం, కార్తీ లాంటి స్టార్ హీరో నటించడం ‘సర్దార్ 2’కు మొదటి నుంచీ ప్లస్ పాయింట్లుగా నిలిచాయి. దీంతో ‘మండాడి’ కంటే ‘సర్దార్ 2’ ఒక మెట్టు పైనే ఉంటుందని చాలామంది భావించారు. కానీ సినిమాలు థియేటర్లలోకి వచ్చిన తర్వాత మాత్రం పరిస్థితి పూర్తిగా మారిపోయింది.
ప్రేక్షకుల నుంచి వచ్చిన స్పందనతో పాటు బాక్సాఫీస్ పరంగా కూడా ‘మండాడి’ దూకుడు చూపిస్తోంది. ముఖ్యంగా తాజాగా వెల్లడైన టికెట్ సేల్స్ గణాంకాలు ఈ రెండు సినిమాల మధ్య ఉన్న వ్యత్యాసాన్ని స్పష్టంగా చూపిస్తున్నాయి. గత 24 గంటల్లో ‘సర్దార్ 2’కు కనీసం 50 వేల టికెట్లు కూడా అమ్ముడుపోలేదని తెలుస్తుండగా, ‘మండాడి’ మాత్రం ఏకంగా 2 లక్షలకు పైగా టికెట్లను విక్రయించింది.
ఈ నంబర్స్ను బట్టి చూస్తే ‘మండాడి’ ఏ స్థాయిలో ‘సర్దార్ 2’ను డామినేట్ చేస్తుందో అర్థం చేసుకోవచ్చు. రిలీజ్కు ముందు భారీ అంచనాలతో వచ్చిన సీక్వెల్పై ఒక చిన్న సినిమా ఈ స్థాయిలో పైచేయి సాధించడం ఇప్పుడు ట్రేడ్ వర్గాల్లోనూ ఆసక్తికరంగా మారింది.
‘మండాడి’కి ఈ టికెట్ సేల్స్ ఖచ్చితంగా బిగ్ సక్సెస్గా చెప్పుకోవచ్చు. అదే సమయంలో ‘సర్దార్ 2’ టీమ్కు మాత్రం ఈ ట్రెండ్ కాస్త నిరాశ కలిగించే అంశమే. ముఖ్యంగా స్టార్ హీరో, సీక్వెల్ హైప్ ఉన్న సినిమాకు ఈ స్థాయిలో తక్కువ టికెట్ సేల్స్ నమోదవడం గమనించాల్సిన విషయంగా మారింది.
ఇక వీకెండ్లో సినిమాలకు మరింత భారీగా వసూళ్లు వచ్చే అవకాశం ఉండటంతో ‘మండాడి’ జోరు ఇంకెంత పెరుగుతుందో చూడాలి. ఇదే ట్రెండ్ కొనసాగితే ‘సర్దార్ 2’పై ‘మండాడి’ డామినేషన్ మరింత స్పష్టంగా కనిపించే అవకాశం ఉంది.
