ప్రతి నెలా టాలీవుడ్ బాక్సాఫీస్ వద్ద ఎన్నో సినిమాలు Upcoming Movies ప్రేక్షకుల ముందుకు వస్తుంటాయి. అయితే సెప్టెంబర్ మాత్రం ఈసారి మరింత ఆసక్తికరంగా కనిపిస్తోంది. స్టార్ హీరోల చిత్రాలతో పాటు యంగ్ హీరోల సినిమాలు, మలయాళం, తమిళ భాషల నుంచి డబ్బింగ్ సినిమాలు కూడా థియేటర్లలో సందడి చేసేందుకు సిద్ధమవుతున్నాయి. యాక్షన్, కామెడీ, రొమాన్స్, థ్రిల్లర్, రా అండ్ రస్టిక్ వంటి విభిన్న జానర్లలో సినిమాలు ప్రేక్షకుల ముందుకు రానున్నాయి. మరి ఈ నెలలో థియేటర్లలో సందడి చేయనున్న ముఖ్యమైన సినిమాలు ఏంటో చూద్దాం.
సెప్టెంబర్ 3
ఐమ్ గేమ్
మలయాళ స్టార్ హీరో దుల్కర్ సల్మాన్ నటించిన లేటెస్ట్ యాక్షన్ థ్రిల్లర్ ‘ఐమ్ గేమ్’ సెప్టెంబర్ 3న ప్రేక్షకుల ముందుకు రానుంది. దుల్కర్కు తెలుగులో కూడా మంచి మార్కెట్ ఉండటంతో ఈ సినిమాపై ఆసక్తి నెలకొంది. యాక్షన్, థ్రిల్లింగ్ అంశాలతో తెరకెక్కిన ఈ చిత్రం బాక్సాఫీస్ వద్ద ఎలాంటి స్పందన అందుకుంటుందో చూడాలి.
రొమాంచకం
బ్లాక్బస్టర్ డైరెక్టర్ సందీప్ రెడ్డి వంగా సమర్పణలో రూపొందిన రొమాంటిక్ ఎంటర్టైనర్ ‘రొమాంచకం’ కూడా సెప్టెంబర్ 3న రిలీజ్ కానుంది. సుమంత్ ప్రభాస్, అనంతిక సనిల్ కుమార్ జంటగా నటించిన ఈ సినిమాకు వేణు గోపాల్ రెడ్డి దర్శకత్వం వహించారు. ప్రణయ్ రెడ్డి వంగా నిర్మించిన ఈ చిత్రం యూత్ను టార్గెట్ చేస్తూ ప్రేక్షకుల ముందుకు వస్తోంది.
సెప్టెంబర్ 4
రంభ ఊర్వశి మేనక
కామెడీ హీరో అల్లరి నరేష్ నటించిన ‘రంభ ఊర్వశి మేనక’ సెప్టెంబర్ 4న థియేటర్లలోకి రానుంది. పూర్తి స్థాయి కామెడీ ఎంటర్టైనర్గా తెరకెక్కిన ఈ సినిమాతో అల్లరి నరేష్ మరోసారి తన మార్క్ కామెడీతో ప్రేక్షకులను నవ్వించేందుకు సిద్ధమవుతున్నాడు. కామెడీ సినిమాలను ఇష్టపడే వారికి ఈ మూవీపై మంచి ఆసక్తి ఉంది.
బెత్లెహమ్ కుటుంబ యూనిట్
మలయాళంలో మంచి విజయాన్ని అందుకున్న ‘బెత్లెహమ్ కుటుంబ యూనిట్’ ఇప్పుడు తెలుగు ప్రేక్షకుల ముందుకు రానుంది. నివిన్ పౌలి, మమిత బైజు తదితరులు నటించిన ఈ చిత్రానికి మలయాళంలో మంచి స్పందన లభించింది. దీంతో తెలుగు వెర్షన్పై కూడా ఆసక్తి ఏర్పడింది. ఈ సినిమా సెప్టెంబర్ 4న థియేటర్లలో విడుదల కానుంది.
సెప్టెంబర్ 10
సర్దార్ 2
తమిళ స్టార్ హీరో కార్తీ నటించిన సక్సెస్ఫుల్ చిత్రం ‘సర్దార్’కు సీక్వెల్గా ‘సర్దార్ 2’ తెరకెక్కింది. స్పై యాక్షన్ డ్రామాగా రూపొందిన ఈ సినిమాపై ఇప్పటికే అంచనాలు ఉన్నాయి. కార్తీ మరోసారి యాక్షన్ అవతార్లో కనిపించనున్న ఈ చిత్రం సెప్టెంబర్ 10న గ్రాండ్గా థియేటర్లలోకి రానుంది. తెలుగు రాష్ట్రాల్లోనూ ఈ సినిమాకు మంచి బజ్ ఉంది.
సెప్టెంబర్ 24
ది ప్యారడైజ్
న్యాచురల్ స్టార్ నాని, దర్శకుడు శ్రీకాంత్ ఓదెల కాంబినేషన్లో తెరకెక్కుతున్న క్రేజీ ప్రాజెక్ట్ ‘ది ప్యారడైజ్’. గతంలో వీరి కాంబినేషన్లో వచ్చిన ‘దసరా’కు మంచి స్పందన రావడంతో ఈ సినిమాపై భారీ అంచనాలు నెలకొన్నాయి. రా అండ్ రస్టిక్ బ్యాక్డ్రాప్లో తెరకెక్కుతున్న ఈ చిత్రం సెప్టెంబర్ 24న గ్రాండ్గా విడుదలకు సిద్ధమవుతోంది. నాని కెరీర్లో మరో విభిన్నమైన చిత్రంగా ఇది నిలుస్తుందనే అంచనాలు ఉన్నాయి.
మొత్తంగా సెప్టెంబర్లో టాలీవుడ్ బాక్సాఫీస్ వద్ద విభిన్నమైన జానర్లకు చెందిన సినిమాలు పోటీ పడనున్నాయి. ఒకవైపు స్టార్ హీరోల చిత్రాలు, మరోవైపు యంగ్ హీరోల సినిమాలు, ఇంకోవైపు ఇతర భాషల నుంచి వస్తున్న డబ్బింగ్ మూవీస్ ప్రేక్షకులకు ఆప్షన్స్ పెంచుతున్నాయి. మరి వీటిలో ఏ సినిమాలు బాక్సాఫీస్ వద్ద సత్తా చాటుతాయో, ఏ చిత్రాలు ప్రేక్షకుల అంచనాలను అందుకుంటాయో తెలియాలంటే సెప్టెంబర్ బాక్సాఫీస్ రిజల్ట్స్ వరకు వేచి చూడాల్సిందే.
