మాస్ మహారాజా రవితేజ ప్రస్తుతం వరుస సినిమాలతో బిజీగా ఉన్నారు. ఆయన నటించిన ‘ఇరుముడి’ Ravi Teja మంచి విజయాన్ని అందుకోవడంతో ఫుల్ జోష్లో ఉన్న రవితేజ, తన తదుపరి ప్రాజెక్ట్లపై ఫోకస్ పెట్టారు. ఇప్పటికే వరుసగా రెండు కొత్త సినిమాలకు గ్రీన్ సిగ్నల్ ఇచ్చిన ఆయన, ఈసారి తన కెరీర్లో ఇప్పటివరకు టచ్ చేయని సరికొత్త జోనర్ను ప్రయత్నించబోతున్నట్లు తెలుస్తోంది.
టాలీవుడ్లో విభిన్నమైన కథలను తెరకెక్కిస్తూ తనకంటూ ప్రత్యేక గుర్తింపు తెచ్చుకున్న దర్శకుడు వివేక్ ఆత్రేయతో రవితేజ ఓ సినిమా చేయనున్నట్లు సమాచారం. ఈ చిత్రంలో ఆయన తొలిసారిగా హారర్ కామెడీ జోనర్ను ట్రై చేయబోతున్నారట. రొటీన్ కమర్షియల్ సినిమాలకు భిన్నంగా ఉండే ఈ కథ రవితేజకు బాగా నచ్చడంతో వెంటనే ఓకే చెప్పినట్లు టాక్ వినిపిస్తోంది.
హారర్, కామెడీ అంశాలను మాస్ ఎంటర్టైనర్గా మలిచేలా ఈ కథను వివేక్ ఆత్రేయ సిద్ధం చేసినట్లు తెలుస్తోంది. రవితేజ టైమింగ్, కామెడీ యాంగిల్కు ఈ జోనర్ బాగా సెట్ అవుతుందని అభిమానులు కూడా భావిస్తున్నారు. ఈ సినిమాను దిల్ రాజు మాజీ భాగస్వామి లక్ష్మణ్ నిర్మించనున్నట్లు సమాచారం.
మరోవైపు రవితేజ మరో ఆసక్తికరమైన ప్రాజెక్ట్లో కూడా భాగం కానున్నారు. దర్శకుడు హసిత్ గోలీ తెరకెక్కించనున్న ఈ చిత్రంలో శ్రీవిష్ణుతో కలిసి రవితేజ మల్టీస్టారర్లో నటించబోతున్నారు. కామెడీ ఎంటర్టైనర్గా రూపొందనున్న ఈ సినిమాను ప్రముఖ నిర్మాత దిల్ రాజు నిర్మిస్తున్నారు.
ఈ చిత్రాన్ని 2027 సంక్రాంతి కానుకగా ప్రేక్షకుల ముందుకు తీసుకురానున్నట్లు ఇప్పటికే అధికారికంగా ప్రకటించారు. దీంతో రవితేజ నుంచి వరుసగా విభిన్నమైన సినిమాలు రాబోతుండటంతో అభిమానుల్లో ఆసక్తి మరింత పెరిగింది.
ప్రస్తుతం ఈ రెండు ప్రాజెక్ట్లకు సంబంధించిన ప్రీ-ప్రొడక్షన్ పనులు వేగంగా జరుగుతున్నట్లు తెలుస్తోంది. ఒకవైపు మల్టీస్టారర్ కామెడీ ఎంటర్టైనర్, మరోవైపు తొలిసారి చేస్తున్న హారర్ కామెడీ మూవీతో రవితేజ ప్రేక్షకులను ఎలా అలరిస్తారనేది ఆసక్తికరంగా మారింది. ముఖ్యంగా వివేక్ ఆత్రేయతో రవితేజ కాంబినేషన్లో రాబోయే హారర్ కామెడీ ఎలాంటి ఫలితాన్ని అందుకుంటుందో చూడాలి.
