మాస్ మహారాజా రవితేజ నటించిన ‘ఇరుముడి’ Irumudi బాక్సాఫీస్ వద్ద తన జోరును కొనసాగిస్తోంది. శివ నిర్వాణ దర్శకత్వంలో తెరకెక్కిన ఈ ఎమోషనల్ ఫ్యామిలీ డ్రామాకు ప్రేక్షకుల నుంచి మంచి స్పందన లభిస్తుండగా.. తాజాగా ఈ చిత్రం మరో అరుదైన మైలురాయిని అందుకుంది. ప్రపంచవ్యాప్తంగా రూ.200 కోట్ల గ్రాస్ వసూళ్లను రాబట్టి సత్తా చాటింది.
ఇక రవితేజ కెరీర్లోనే రూ.200 కోట్ల గ్రాస్ సాధించిన తొలి సినిమాగా ‘ఇరుముడి’ రికార్డు సృష్టించింది. ఈ విషయాన్ని మేకర్స్ సోషల్ మీడియా వేదికగా ఓ ప్రత్యేక పోస్టర్ ద్వారా అధికారికంగా ప్రకటించారు. టికెట్ ధరల పెంపు లేకుండా, ఎలాంటి పండగ సీజన్ సపోర్ట్ లేకపోయినా.. కేవలం సినిమా కంటెంట్పై ఉన్న నమ్మకంతో ఈ స్థాయి వసూళ్లు సాధించడం విశేషంగా మారింది.
ప్రస్తుతం బాక్సాఫీస్ వద్ద సినిమా జోరు కొనసాగుతుండటంతో.. రాబోయే రోజుల్లో మరిన్ని రికార్డులు నమోదయ్యే అవకాశం ఉందని ట్రేడ్ వర్గాలు భావిస్తున్నాయి. ఇదే ఊపు కొనసాగితే ‘ఇరుముడి’ త్వరలోనే రూ.250 కోట్ల గ్రాస్ మార్క్ను కూడా అందుకునే అవకాశం ఉందనే అంచనాలు వినిపిస్తున్నాయి.
మైత్రీ మూవీ మేకర్స్ నిర్మించిన ఈ చిత్రంలో రవితేజ సరసన ప్రియా భవానీ శంకర్ కథానాయికగా నటించింది. బేబీ నక్షత్ర రవితేజ కుమార్తె పాత్రలో కనిపించి ఆకట్టుకుంది. జీవీ ప్రకాష్ కుమార్ సంగీతం అందించిన ఈ చిత్రం.. కుటుంబ భావోద్వేగాలు, కథనం కారణంగా ప్రేక్షకులను థియేటర్లకు రప్పిస్తోంది.
