సందీప్ రెడ్డి వంగా సమర్పణలో తెరకెక్కుతున్న యూత్ఫుల్ ఎంటర్టైనర్ ‘రోమాంచకం’పై Romanchakam ఇప్పటికే ప్రేక్షకుల్లో మంచి బజ్ నెలకొంది. సుమంత్ ప్రభాస్, అనంతిక సానిల్కుమార్ జంటగా నటిస్తున్న ఈ చిత్రానికి వేణు గోపాల్ రెడ్డి దర్శకత్వం వహించారు. తాజాగా ఈ మూవీ ట్రైలర్ను మేకర్స్ విడుదల చేయడంతో సినిమాపై అంచనాలు మరింత పెరిగాయి.
ట్రైలర్ను చూస్తే మొదట్లో ‘రోమాంచకం’ ఓ క్యూట్ లవ్ స్టోరీగా కనిపిస్తుంది. అయితే కథ ముందుకు సాగుతున్న కొద్దీ హీరో, హీరోయిన్ మధ్య వచ్చే విభేదాలు, భావోద్వేగాలు, అనుకోని పరిణామాలు ఆసక్తిని పెంచుతున్నాయి. ముఖ్యంగా నేటి తరం రిలేషన్షిప్స్లో కనిపించే ప్రేమ, గొడవలు, అపార్థాలు, ఎమోషన్స్ను సహజంగా చూపించే ప్రయత్నం చేసినట్లు ట్రైలర్ను బట్టి తెలుస్తోంది.
హీరో, హీరోయిన్ మధ్య కెమిస్ట్రీ ట్రైలర్లో ప్రత్యేక ఆకర్షణగా నిలిచింది. వీరిద్దరి మధ్య వచ్చే సన్నివేశాలు యూత్ను ఆకట్టుకునేలా ఉన్నాయి. అదే సమయంలో కథలోని ట్విస్టులను పూర్తిగా రివీల్ చేయకుండా ట్రైలర్ను కట్ చేయడం సినిమాపై మరింత ఆసక్తిని పెంచుతోంది.
ట్రైలర్కు వాసుకి వైభవ్ అందించిన బ్యాక్గ్రౌండ్ స్కోర్ మరో హైలైట్గా నిలిచింది. ఆకట్టుకునే డైలాగ్స్, యూత్కు కనెక్ట్ అయ్యే సన్నివేశాలు, లీడ్ పెయిర్ కెమిస్ట్రీతో ట్రైలర్ మంచి ఇంప్రెషన్ను క్రియేట్ చేసింది.
మొత్తంగా చూస్తే ‘రోమాంచకం’ ప్రేమ, రిలేషన్షిప్స్, ఎమోషన్స్తో కూడిన పక్కా యూత్ఫుల్ రైడ్గా ప్రేక్షకుల ముందుకు రాబోతున్నట్లు తెలుస్తోంది. ట్రైలర్తో మంచి అంచనాలు క్రియేట్ చేసిన ఈ చిత్రం సెప్టెంబర్ 3న గ్రాండ్గా విడుదలకు సిద్ధమవుతోంది.