దర్శక ధీరుడు ఎస్.ఎస్. రాజమౌళి తెరకెక్కిస్తున్న పాన్ వరల్డ్ ప్రాజెక్ట్ వారణాసి పై అంచనాలు రోజుకో మెట్టు పెరుగుతున్నాయి. సూపర్ స్టార్ మహేష్ బాబు హీరోగా నటిస్తున్న ఈ చిత్రాన్ని గ్లోబల్ స్థాయిలో ప్రేక్షకుల ముందుకు తీసుకెళ్లాలనే లక్ష్యంతో మూవీ టీమ్ స్పెషల్ ప్లానింగ్తో ముందుకు సాగుతోంది. ఇప్పటికే పాన్ ఇండియా రేంజ్లో హైప్ నెలకొనగా, ఇప్పుడు అంతర్జాతీయంగా కూడా సినిమాకు మంచి రీచ్ దక్కుతోంది.
ఇటీవల మెక్సికోలో జరిగిన ఓ ప్రతిష్టాత్మక ఈవెంట్లో ‘వారణాసి’ స్పెషల్ అట్రాక్షన్గా నిలిచింది. అక్కడ మూవీ టీమ్ సినిమాకు సంబంధించిన కాన్సెప్ట్, విజన్ను గ్లోబల్ ఆడియన్స్కు పరిచయం చేస్తూ ప్రత్యేక ప్రెజెంటేషన్ ఇచ్చింది. ఈ సందర్భంగా ప్రొడ్యూసర్ కార్తికేయ స్టేజ్పైకి వచ్చి ప్రాజెక్ట్ విశేషాలను పంచుకోవడంతో పాటు, అభిమానులు అడిగిన ప్రశ్నలకు సమాధానాలు ఇచ్చారు.
ఈ ఈవెంట్లో ‘వారణాసి’ ప్రివ్యూ వీడియోను కూడా ప్రదర్శించారు. సినిమా రేంజ్, విజువల్స్, కాన్సెప్ట్ చూసి అక్కడున్న ప్రేక్షకులు ఫిదా అయ్యారు. అయితే ఈ మొత్తం ప్రోగ్రామ్లో హైలైట్గా నిలిచింది రాజమౌళి వీడియో మెసేజ్. ‘వారణాసి’ అని ఉన్న టీషర్ట్లో కనిపించిన ఆయన, ఆసక్తికరమైన వ్యాఖ్యలు చేశారు.
సివిలైజేషన్లపై తనకున్న ఆసక్తిని ప్రస్తావిస్తూ, తన గత చిత్రం బాహుబలి సెట్స్ డిజైన్కు మెక్సికోలోని చిచెన్ ఇట్జా వంటి పురాతన నిర్మాణాలు ఎంతో ఇన్స్పిరేషన్గా నిలిచాయని వెల్లడించారు. అలాగే మెక్సికో ప్రజల కల్చర్, చరిత్ర తెలుసుకోవడం తనకు ఎంతో ఆనందంగా ఉందని తెలిపారు.
ఇక తన 25 ఏళ్ల సినీ ప్రయాణాన్ని గుర్తు చేసుకుంటూ, ప్రపంచవ్యాప్తంగా ప్రేక్షకులు తన సినిమాలను ఆదరించడం చాలా సంతోషంగా ఉందన్నారు. ముఖ్యంగా ఆర్ఆర్ఆర్ తో వచ్చిన గ్లోబల్ రీచ్ తనకు పూర్తిగా కొత్త అనుభూతిని ఇచ్చిందని చెప్పారు. ఆ సినిమాలోని నాటు నాటు పాట ప్రపంచవ్యాప్తంగా ప్రేక్షకులను ఎంతగా ఆకట్టుకుందో, వేర్వేరు దేశాల వారు ఆ పాటకు డ్యాన్స్ చేయడం చూసి తాను ఎందుకు సినిమాలు చేస్తున్నానో మరింత స్పష్టంగా అర్థమైందని తెలిపారు.
ప్రస్తుతం రాజమౌళి చేసిన ఈ కామెంట్స్ సోషల్ మీడియాలో వైరల్ అవుతూ ‘వారణాసి’పై హైప్ను మరింత పెంచుతున్నాయి. ఈ సినిమాతో ఇండియన్ సినిమా స్థాయిని మరో మెట్టుకు తీసుకెళ్లాలని మూవీ టీమ్ చేస్తున్న ప్రయత్నాలపై అభిమానులు ఆసక్తిగా ఎదురు చూస్తున్నారు. మరి ‘వారణాసి’ ఎలాంటి సంచలనం సృష్టిస్తుందో, వరల్డ్ వైడ్గా ఎంతటి ప్రభావం చూపుతుందో చూడాలి.