నందమూరి నటసింహం నందమూరి బాలకృష్ణ హీరోగా నటిస్తున్న మోస్ట్ అవైటెడ్ ప్రాజెక్ట్ **NBK 111**పై అభిమానుల్లో భారీ అంచనాలు నెలకొన్నాయి. ఇది బాలయ్య కెరీర్లో 111వ సినిమా కావడంతో ప్రత్యేకమైన క్రేజ్ ఏర్పడింది. ఈ చిత్రాన్ని దర్శకుడు గోపీచంద్ మలినేని ప్రతిష్టాత్మకంగా తెరకెక్కిస్తున్నారు.
మొదట ఈ ప్రాజెక్ట్ను భారీ హిస్టారికల్ మూవీగా ప్లాన్ చేసినప్పటికీ, ఆ తర్వాత కథా దిశ పూర్తిగా మారినట్టుగా తెలుస్తోంది. తాజా సమాచారం ప్రకారం, ఈసారి బాలయ్య అభిమానులు ఊహించని ఓ నెవర్ బిఫోర్ రోల్లో కనిపించబోతున్నారట. ఈ చిత్రంలో బాలయ్య పవర్ఫుల్ గ్యాంగ్స్టర్ పాత్రలో నటిస్తున్నట్టు టాక్ వినిపిస్తోంది.
ఇలాంటి డార్క్ షేడ్స్ ఉన్న పాత్రలు బాలయ్య కెరీర్లో చాలా అరుదు. అందుకే ఈ అవతారం ఫ్యాన్స్కు ఒక స్పెషల్ ఫీస్ట్గా మారుతుందని అంటున్నారు. ఇప్పటికే వీరసింహా రెడ్డి లాంటి సాలిడ్ హిట్ ఇచ్చిన బాలయ్య–గోపీచంద్ మలినేని కాంబినేషన్ మళ్లీ రిపీట్ కావడంతో అంచనాలు మరింత పెరిగాయి.
ఇక ఈ సినిమాను వృద్ధి సినిమాస్ నిర్మిస్తున్న సంగతి తెలిసిందే. బాలయ్య కొత్త అవతారం తెరపై ఎలా ఉండబోతుందో చూడాలంటే ఇంకొంత కాలం వేచి చూడాల్సిందే