మెగాపవర్ స్టార్ రామ్ చరణ్ హీరోగా నటిస్తున్న మోస్ట్ అవైటెడ్ మూవీ పెద్ది పై అంచనాలు ఆకాశాన్ని తాకుతున్నాయి. దర్శకుడు బుచ్చిబాబు సానా తెరకెక్కిస్తున్న ఈ సినిమా ఇప్పటికే భారీ బజ్ను క్రియేట్ చేసింది.
ఇక ఈ సినిమాలోని స్పెషల్ సాంగ్ విషయంలో గత కొంతకాలంగా సస్పెన్స్ కొనసాగుతూనే ఉంది. ఈ ఐటెం నెంబర్ కోసం పలువురు హీరోయిన్ల పేర్లు వినిపించగా, చివరి నిమిషంలో మార్పులు జరిగినట్టుగా టాక్ నడిచింది.
తాజా సమాచారం ప్రకారం ‘పెద్ది’ స్పెషల్ సాంగ్కు ఫైనల్గా ఆల్ సెట్ అయినట్టే కనిపిస్తోంది. రేపు ఏప్రిల్ 26న ఈ సాంగ్ షూట్ శృతి హాసన్–రామ్ చరణ్ కాంబినేషన్లో ప్రారంభం కానుందని సమాచారం. ఈ జోడీకి ఇప్పటికే ఎవడు సినిమాలో క్రేజీ డ్యూయెట్ సాంగ్స్తో అదిరిపోయే కెమిస్ట్రీ ఉన్న సంగతి తెలిసిందే.
ఇప్పుడు మళ్లీ అదే కాంబినేషన్లో స్పెషల్ సాంగ్ రావడంతో అంచనాలు మరింత పెరిగాయి. మరి ‘ఎవడు’లో కనిపించిన మ్యాజిక్ మళ్లీ రిపీట్ అవుతుందా? లేక దానికన్నా ఎక్కువ హీట్ క్రియేట్ చేస్తుందా? అన్నది తెరపై చూడాల్సిందే