ప్రస్తుతం వరల్డ్ వైడ్గా సినీ ప్రియుల మధ్య హాట్ టాపిక్గా మారిన సాలిడ్ బయోపిక్ చిత్రం మైఖేల్. కింగ్ ఆఫ్ పాప్ మైఖేల్ జాక్సన్ జీవిత కథ ఆధారంగా తెరకెక్కిన ఈ సినిమాపై అనౌన్స్మెంట్ నుంచే భారీ అంచనాలు నెలకొన్నాయి. ఆయన మరణంతో ఒక మహా శకం ముగిసినట్టయి, కోట్లాది అభిమానులు ఇప్పటికీ ఆ లోటు నుంచి బయటపడలేకపోయారు.
అలాంటి లెజెండరీ పర్సనాలిటీపై బయోపిక్ అంటే మాటలు కాదు. ఆ పాత్రకు న్యాయం ఎవరు చేయగలరు అన్న ప్రశ్నకు సమాధానంగా ఆయన మేనల్లుడు జాఫర్ జాక్సన్ ముందుకు రావడం ఆసక్తిని మరింత పెంచింది. అయితే సినిమా విడుదలైన తర్వాత ఆ ఎంపిక ఎంత సరైనదో అన్నది అందరికీ స్పష్టమైంది.
సినిమా కథ ఎలా ఉందన్నది పక్కన పెడితే, తెరపై మైఖేల్ జాక్సన్ను మళ్లీ చూసిన అనుభూతి కలిగిందని పాప్ ఫ్యాన్స్ ఓ మాటగా చెబుతున్నారు. మాటతీరు, డ్యాన్స్ స్టెప్పులు, స్టేజ్ ప్రెజెన్స్, పాటల పర్ఫామెన్స్.. ప్రతి ఫ్రేమ్లోనూ జాఫర్ మైఖేల్ను అచ్చుగుద్దినట్టుగా ఆవిష్కరించడంతో ప్రశంసల వర్షం కురుస్తోంది.
ఈ పాత్ర జాఫర్ కెరీర్లోనే బిగ్గెస్ట్ అచీవ్మెంట్గా నిలిచిందని సినీ విశ్లేషకులు అభిప్రాయపడుతున్నారు. ఇక పార్ట్ 2లో అతడి పర్ఫామెన్స్ ఎలా ఉంటుందో చూడాలన్న క్యూరియాసిటీ మాత్రం ఇప్పుడు అందరిలోనూ ఉంది.