మెగా కుటుంబ కోడలు లావణ్య కొణిదెల త్రిపాఠి ప్రధాన పాత్రలో, దేవ్ మోహన్ హీరోగా నటిస్తున్న తాజా చిత్రం సతీ లీలావతి. దుర్గాదేవి పిక్చర్స్ బ్యానర్పై, తాతినేని సత్య దర్శకత్వంలో రూపొందుతున్న ఈ చిత్రం మే 8న వరల్డ్ వైడ్గా గ్రాండ్ రిలీజ్కు సిద్ధమైంది.
‘భీమిలీ కబడ్డీ జట్టు’, ‘ఎస్.ఎం.ఎస్ (శివ మనసులో శృతి)’ వంటి విజయవంతమైన చిత్రాల తర్వాత దర్శకుడు తాతినేని సత్య ఈ సినిమాతో ప్రేక్షకుల ముందుకు వస్తున్నారు. పోస్ట్ ప్రొడక్షన్, సెన్సార్ కార్యక్రమాలు పూర్తి చేసుకున్న ఈ చిత్రాన్ని మే 8న ప్రపంచవ్యాప్తంగా విడుదల చేయనున్నట్టు మేకర్స్ అధికారికంగా ప్రకటించారు.
వేర్వేరు కుటుంబ నేపథ్యాల నుంచి వచ్చిన ఇద్దరు వ్యక్తులు కలిసి ప్రయాణించేటప్పుడు వారి మధ్య ఏర్పడే భావోద్వేగాలు, భార్యాభర్తల అనుబంధాన్ని సున్నితంగా, ఎమోషనల్గా మరియు ఎంటర్టైనింగ్గా చూపించే ప్రయత్నమే ‘సతీ లీలావతి’. ఫీల్ గుడ్ మూవీగా అన్ని వర్గాల ప్రేక్షకులను ఆకట్టుకునేలా సినిమాను రూపొందించామని చిత్ర యూనిట్ తెలిపింది.
ఇప్పటివరకు విడుదలైన రెండు పాటలు, టీజర్కు ప్రేక్షకుల నుంచి అద్భుతమైన స్పందన లభించగా, త్వరలోనే ట్రైలర్ రిలీజ్ కానుంది.
ఈ చిత్రానికి సంగీతం అందించింది మిక్కీ జే మేయర్, సినిమాటోగ్రఫీ బినేంద్ర మీనన్, ఎడిటింగ్ సతీష్ సూర్య నిర్వహించారు.
మే 8న థియేటర్లలో ఫీల్ గుడ్ ఎమోషన్స్తో ‘సతీ లీలావతి’ ప్రేక్షకులను అలరించనుంది.