విక్టరీ వెంకటేష్ హీరోగా తాజాగా యువ దర్శకుడు శైలేష్ కొలను తెరకెక్కిస్తున్న భారీ యాక్షన్ థ్రిల్లింగ్ పాన్ ఇండియా చిత్రం సైంధవ్. ఈ సినిమా లో శ్రద్ధ శ్రీనాధ్ హీరోయిన్ గా నటిస్తుండగా కీలక పాత్రల్లో నవాజుద్దీన్ సిద్దిఖీ, బేబీ సార, ఆర్య, యాండ్రియా, ముకేశ్ రుషి, రుహాణి శర్మ తదితరులు నటిస్తున్నారు. సంతోష్ నారాయణన్ సంగీతం అందిస్తున్న ఈ సినిమా రానున్న 2024 సంక్రాంతి కానుకగా ఆడియన్స్ ముందుకి జనవరి 13న రానుంది.
ఇక ఈ సినిమా యొక్క టీజర్ ని నిన్న గ్రాండ్ గా ఈవెంట్ ద్వారా లాంచ్ చేసారు మేకర్స్. మంచి యాక్షన్ థ్రిల్లింగ్ హంగులతో పాటు ఆకట్టుకునే విజువల్స్, బ్యాక్ గ్రౌండ్ స్కోర్, ఫైట్స్, వెంకటేష్ సూపర్ యాక్టింగ్, డైలాగ్స్ తో అలరించిన ఈ టీజర్ ప్రస్తుతం 7 మిలియన్ వ్యూస్ తో యూట్యూబ్ లో టాప్ లో బాగా ట్రెండ్ అవుతోంది. కాగా సంక్రాంతికి రిలీజ్ కానున్న తమ సినిమా కూడా అందరినీ ఆకట్టుకుని బాక్సాఫీస్ వద్ద పెద్ద విజయం అందుకుంటుందని మేకర్స్ ఆశాభావం వ్యక్తం చేసారు .
