యువ నటుడు విశ్వక్ సేన్ హీరోగా నేహా శెట్టి హీరోయిన్ గా యువ దర్శకుడు కృష్ణ చైతన్య దర్శకత్వంలో తెరకెక్కుతున్న లేటెస్ట్ రూరల్ యాక్షన్ డ్రామా సినిమా గ్యాంగ్స్ ఆఫ్ గోదావరి. వాస్తవానికి డిసెంబర్ లో రిలీజ్ కావాల్సిన ఈ సినిమా అనంతరం మార్చి 8 కి వాయిదా పడిన విషయం అందరికి తెలిసిందే. ఇక ఈ సినిమా నుండి ఇప్పటికే రిలీజ్ అయిన టీజర్, ఒక సాంగ్ అందరినీ ఆకట్టుకుని సినిమా పై మంచి అంచనాలు ఏర్పరిచాయి.
యువన్ శంకర్ రాజా సంగీతం అందిస్తున్న ఈ సినిమా ని సితార ఎంటర్టైన్మెంట్స్, శ్రీకర స్టూడియోస్, ఫార్చూన్ ఫోర్ మూవీ స్ సంస్థల పై సూర్యదేవర నాగవంశీ, సాయి సౌజన్య గ్రాండ్ గా నిర్మిస్తున్నారు. విషయం ఏమిటంటే, లేటెస్ట్ టాలీవుడ్ న్యూస్ ప్రకారం ప్రస్తుతం ప్రొడక్షన్ చివరిదశకు చేరుకున్న ఈ సినిమా ఈ నెలాఖరు కల్లా షూట్ మొత్తాన్ని పూర్తి చేసుకోనున్నట్లు తెలుస్తోంది. అనంతరం సినిమా కి సంబంధించి ప్రమోషన్స్ లో హీరో విశ్వక్ సేన్ సహా ఇతరులు పాల్గొననున్నారంట . మరి అందరిలో మంచి అంచనాలు ఏర్పరిచిన ఈ సినిమా రిలీజ్ అనంతరం ఏ స్థాయి సక్సెస్ సొంతము చేసుకుంటుందో చూడాలి.
