హలో మై పూజా బోల్ రహీ హూ.. ఈ డైలాగ్ వినగానే గుర్తొచ్చేది ఆయుష్మాన్ ఖురానా నటించిన డ్రీమ్ గర్ల్ సినిమా. ఈ సినిమాతో ఆయుష్మాన్ మరోసారి ప్రేక్షకుల మనసు కొల్లగొట్టాడు. బాలీవుడ్లో ఈ నటుడి రూటే సపరేటు. చేసే ప్రతి సినిమాలో కొత్త దనాన్ని వెతుక్కుంటాడు. మూస ధోరణిలో ఒక్క మూవీ కూడా చేయని హీరో అంటే ఆయుష్మానే. సమాజంలో ఉన్న సమస్యలను హ్యూమర్ యాడ్ చేసి.. దానిలోని సీరియస్నెస్ను ప్రజల మెదల్లోకి ఈజీగా ఎక్కించే సినిమాలు చేస్తుంటాడు. అలా 2019లో వచ్చిన సినిమా డ్రీమ్ గర్ల్. అప్పట్లో ఈ సినిమా ఒక సెన్సేషన్.
ఈ క్రమంలో దీనికి సీక్వెల్ డ్రీమ్గర్ల్-2 తెరకెక్కింది. అనన్యాపాండే కథానాయికగా.. రాజ్‌ శాండిల్యా దర్శకతర్వంలో తెరకెక్కిన ఈ మూవీ ఆగస్టు 25న ప్రేక్షకుల ముందుకు వచ్చింది. ఇప్పుడీ ఈ సినిమా ఓటీటీలోకి వచ్చేసింది. ప్రముఖ ఓటీటీ నెట్ఫ్లిక్స్ వేదికగా ఈరోజు నుంచి ప్రేక్షకులకు అందుబాటులోకి వచ్చింది డ్రీమ్ గర్ల్-2. ‘‘ఇకపై మీ కలలన్నీ నెరవేరుతాయి. ఎందుకంటే డ్రీమ్ గర్ల్ రాబోతోంది’’ అని నెట్ఫ్లిక్స్ తాజాగా ట్వీట్ చేసింది. ఇంకెందుకు ఆలస్యం ఈ దసరా హాలిడేస్ను ఈ సినిమా చూసి ఎంజాయ్ చేయండి.
