మెగాస్టార్ 152వ “ఆచార్య ” మూవీ లో చరణ్ నటిస్తున్న విషయం తెల్సిందే. అయితే ఇప్పటి వరకు ఆ విషయం పై ఎలాంటి అఫిషియల్ అనౌన్స్ మెంట్ మాత్రం రాలేదు. అయితే ఇటీవల చరణ్ ఒక ఇంటర్వ్యూలో మాట్లాడుతూ అమ్మ కోరికను తీర్చబోతున్నాను. నాన్న నేను కలిసి నటిస్తే చూడాలని అమ్మ చాలా కాలంగా కోరుకుంటుంది. అది ఆచార్య సినిమాతో నెరవేరబోతుందని చరణ్ పేర్కొన్నాడు. ఇంతకు ముందు బ్రూస్ లీ , ఖైదీ నెం.150 సినిమాల్లో ఇద్దరు కొన్ని సెకన్ల పాటు కలిసి కనిపించారు. కాని ఆచార్య సినిమాలో మాత్రం చరణ్ మరియు చిరు కాంబో సీన్స్ దాదాపుగా అర్థ గంట పాటు ఉంటాయని అంటున్నారు.
చరణ్ ఆ ఇంటర్వ్యూలో మాట్లాడుతూ.. నాన్నతో ఇంతకు ముందు ఖైదీ నెం.150 మరియు బ్రూస్ లీ లో చేశాను. కాని ఈసారి ఒక పాత్రను నాన్న సినిమాలో చేసేందుకు రెడీ అయ్యాను అంటూ చెప్పుకొచ్చాడు. ఆచార్య చిత్రంతో అమ్మ డ్రీమ్ ను నెరవేర్చబోతున్నందుకు నాకు చాలా సంతోషంగా ఉందని చరణ్ చెప్పారు . ఇక ముందు కూడా అవకాశం ఉంటే నాన్నతో సినిమాలు చేసేందుకు తనకు ఎలాంటి ఇబ్బంది లేదని ఫ్యూచర్ లో మా కాంబోలో మరిన్ని సినిమాలు రావాలని నేను కూడా మానస్తుర్తిగా కోరుకుంటున్నట్లుగా చరణ్ అన్నారు .