ప్రశాంత్ నీల్ సమర్పణలో, మైత్రీ మూవీ మేకర్స్ నిర్మిస్తున్న హారర్ థ్రిల్లర్ 418 Movieపై తాజాగా కీలక అప్డేట్ వచ్చింది. ఈ సినిమా ముందుగా అనుకున్న విడుదల తేదీకి ప్రేక్షకుల ముందుకు రావడం లేదని మేకర్స్ అధికారికంగా ప్రకటించారు. అనివార్య కారణాల వల్ల మూవీ రిలీజ్ను తాత్కాలికంగా వాయిదా వేస్తున్నట్లు సోషల్ మీడియా ద్వారా వెల్లడించారు.
అయితే ఈ వాయిదా వెనుక ఓ ఆసక్తికరమైన కారణం ఉన్నట్లు తెలుస్తోంది. ‘418 ది మూవీ’ని కేవలం దక్షిణాది భాషలకే పరిమితం చేయకుండా, హిందీలోనూ భారీ స్థాయిలో విడుదల చేయాలని మేకర్స్ భావిస్తున్నారట. ఇటీవల ఉత్తరాది ప్రాంతాలకు చెందిన పలువురు ఎగ్జిబిటర్లు ఈ సినిమాను వీక్షించి సానుకూలంగా స్పందించడంతో పాటు, హిందీ వెర్షన్ను విడుదల చేసేందుకు ఆసక్తి చూపించినట్లు చిత్రబృందం తెలిపింది.
ఈ నేపథ్యంలో అన్ని భాషల్లో ఒకేసారి సినిమాను ప్రేక్షకుల ముందుకు తీసుకురావడానికి మరింత సమయం అవసరమవుతుందని మేకర్స్ భావించినట్లు సమాచారం. అందుకే ప్రస్తుతం ప్రకటించిన రిలీజ్ను వాయిదా వేసినట్లు తెలుస్తోంది. పాన్ ఇండియా స్థాయిలో సినిమాను విడుదల చేయాలనే ఉద్దేశంతోనే ఈ నిర్ణయం తీసుకున్నట్లు చిత్రబృందం పేర్కొంది.
ముఖ్యంగా హిందీ మార్కెట్లో హారర్ జానర్కు ఉన్న ఆదరణను దృష్టిలో పెట్టుకుని ‘418 ది మూవీ’ని మరింత విస్తృతంగా ప్రేక్షకుల వద్దకు తీసుకెళ్లేందుకు మేకర్స్ ప్లాన్ చేస్తున్నట్లు తెలుస్తోంది. మరి ఈ సినిమాకు కొత్త విడుదల తేదీని ఎప్పుడు ప్రకటిస్తారు? పాన్ ఇండియా స్థాయిలో ఎలాంటి ప్రమోషన్స్ చేపడతారు? అనేది ఆసక్తికరంగా మారింది.
