విక్టరీ వెంకటేష్, దర్శకుడు త్రివిక్రమ్ శ్రీనివాస్ కాంబినేషన్లో తెరకెక్కుతున్న క్రైమ్ థ్రిల్లర్ ‘ఆదర్శ కుటుంబం’పై Aadarsha Kutumbam ప్రేక్షకుల్లో ఆసక్తి రోజురోజుకూ పెరుగుతోంది. ప్రస్తుతం ఈ సినిమా షూటింగ్ శరవేగంగా కొనసాగుతోంది. 2026 అక్టోబర్ 2న ఈ చిత్రాన్ని థియేటర్లలో విడుదల చేసేందుకు మేకర్స్ సన్నాహాలు చేస్తున్నారు.
ఈ సినిమాలో శ్రీనిధి శెట్టి కథానాయికగా నటిస్తున్న సంగతి తెలిసిందే. తాజాగా ఆమె సోషల్ మీడియాలో షేర్ చేసిన కొన్ని ఫోటోలు అభిమానుల దృష్టిని ఆకర్షిస్తున్నాయి. షూటింగ్ సమయంలో దర్శకుడు త్రివిక్రమ్ శ్రీనివాస్తో కలిసి శ్రీనిధి శెట్టి సరదాగా గడిపిన క్షణాలకు సంబంధించిన ఫోటోలను ఆమె అభిమానులతో పంచుకుంది.
ప్రస్తుతం త్రివిక్రమ్ సినిమా స్క్రిప్ట్, షూటింగ్ పనుల్లో బిజీగా ఉండగా, సెట్స్లోని తన సరదా మూమెంట్స్ను శ్రీనిధి సోషల్ మీడియా ద్వారా షేర్ చేయడంతో ఆ ఫోటోలు వైరల్ అవుతున్నాయి. దీంతో ‘ఆదర్శ కుటుంబం’ షూటింగ్ స్పాట్కు సంబంధించిన ఆసక్తికరమైన విషయాలు కూడా సోషల్ మీడియాలో చర్చకు వస్తున్నాయి.
ఇక ఈ సినిమాలో నివేథా పేతురాజ్, నారా రోహిత్, పూజిత పొన్నాడ, రావు రమేష్, బ్రహ్మాజీ తదితరులు కీలక పాత్రల్లో నటిస్తున్నారు. వెంకటేష్, త్రివిక్రమ్ కాంబినేషన్లో వస్తున్న తొలి ప్రాజెక్ట్ కావడంతో సినిమాపై భారీ అంచనాలు నెలకొన్నాయి.
హారిక అండ్ హాసిని క్రియేషన్స్ బ్యానర్పై ఈ చిత్రాన్ని ప్రతిష్టాత్మకంగా నిర్మిస్తున్నారు. స్టార్ మ్యూజిక్ డైరెక్టర్ ఎస్. థమన్ ఈ సినిమాకు సంగీతం అందిస్తున్నారు. విడుదల తేదీ దగ్గరపడుతున్న కొద్దీ ‘ఆదర్శ కుటుంబం’కు సంబంధించిన మరిన్ని అప్డేట్స్ బయటకు వచ్చే అవకాశం ఉంది.
