నందమూరి నటసింహం బాలకృష్ణ హీరోగా, స్టార్ డైరెక్టర్ గోపీచంద్ మలినేని దర్శకత్వంలో తెరకెక్కుతున్న భారీ యాక్షన్ గ్యాంగ్‌స్టర్ చిత్రం ‘దాదా’ DADA పై అభిమానుల్లో భారీ అంచనాలు ఉన్నాయి. కాజల్ అగర్వాల్ కథానాయికగా నటిస్తున్న ఈ సినిమా షూటింగ్ ప్రస్తుతం శరవేగంగా కొనసాగుతున్నట్లు సమాచారం.
ఇటీవల బాలకృష్ణ గాయంతో కొంతకాలం షూటింగ్‌కు దూరమైనప్పటికీ, కోలుకున్న తర్వాత తిరిగి చిత్రీకరణలో పాల్గొంటున్నారని తెలుస్తోంది.
రిలీజ్ వాయిదా అంటూ వచ్చిన రూమర్స్‌కు చెక్!
సినిమా నుంచి ఫస్ట్ సింగిల్ కోసం అభిమానులు ఆసక్తిగా ఎదురుచూస్తున్న సమయంలో, విడుదల తేదీపై పలు ఊహాగానాలు మొదలయ్యాయి. బాలకృష్ణకు గాయం కావడంతో షూటింగ్ ఆలస్యమై సినిమా వాయిదా పడే అవకాశం ఉందంటూ ప్రచారం జరిగింది.
అయితే ఈ వార్తలను చిత్రబృందం ఖండించినట్లు సమాచారం. ముందుగా ప్రకటించిన షెడ్యూల్ ప్రకారమే సినిమాను విడుదల చేసేందుకు మేకర్స్ సిద్ధమవుతున్నారని తెలుస్తోంది. దీంతో ఈ క్రిస్మస్‌కు బాలయ్య అభిమానులకు మాస్ ట్రీట్ అందనుందనే అంచనాలు పెరిగాయి.
త్వరలోనే ఫస్ట్ సింగిల్!
మరోవైపు సినిమా నుంచి తొలి పాటను కూడా త్వరలోనే విడుదల చేయనున్నట్లు సమాచారం. ఈ అప్‌డేట్‌తో బాలయ్య అభిమానుల్లో మరింత ఉత్సాహం నెలకొంది.
ఈ చిత్రానికి థమన్ సంగీతం అందిస్తుండగా, వృద్ధి సినిమాస్ నిర్మిస్తోంది. డిసెంబర్ 24న సినిమాను గ్రాండ్‌గా విడుదల చేయాలని చిత్రబృందం ప్లాన్ చేస్తోంది.
