నటసింహం నందమూరి బాలకృష్ణ హీరోగా కాజల్ అగర్వాల్ హీరోయిన్ గా యువ దర్శకుడు అనిల్ రావిపూడి దర్శకత్వంలో తెరకెక్కిన లేటెస్ట్ మాస్ యాక్షన్ ఎమోషనల్ ఎంటర్టైనర్ సినిమా భగవంత్ కేసరి. ఇటీవల మంచి అంచనాలతో ఆడియన్స్ ముందుకి వచ్చిన ఈ సినిమా బాక్సాఫీస్ వద్ద పెద్ద విజయం సొంతం చేసుకుంది. ఇక ఈ సినిమా లో పవర్ఫుల్ రోల్ లో బాలకృష్ణ మరొక్కసారి తన యాక్టింగ్ తో అదరగొట్టగా అనిల్ రావిపూడి తన స్టైల్ టేకింగ్ తో ఆకట్టుకున్నారు.
ఇప్పటికే మూడవ వారంలోకి అడుగుపెట్టిన భగవంత్ కేసరి ఇంకా చాలా ప్రాంతాల్లో మంచి కలెక్షన్ అందుకుంటూ ఉండడం విశేషం. అయితే మ్యాటర్ ఏమిటి అంటే , తమకు ఇంత పెద్ద సక్సెస్ అందించిన ప్రేక్షకాభిమానులకి ప్రత్యేకంగా ధన్యవాదాలు చెప్పేందుకు నవంబర్ 9న హైదరాబాద్ లోని జెఆర్సీ కన్వెన్షన్ సెంటర్ లో గ్రాండ్ సక్సెస్ మీట్ ని నిర్వహించేందుకు భగవంత్ కేసరి మేకర్స్ ప్లాన్ చేస్తున్నట్లు తెలుస్తుంది . అలానే అతి త్వరలో దీనికి సంబంధించి వారి నుండి అఫీషియల్ అనౌన్స్ మెంట్ కూడా రానుందట. థమన్ సంగీతం అందించిన ఈ మూవీ షైన్ స్క్రీన్స్ బ్యానర్ పై నిర్మితం అయింది.
