తెలుగు బుల్లితెరపై అత్యంత పాపులర్ అయిన రియాలిటీ షోల్లో ‘బిగ్ బాస్’ కూడా ఒకటి. దాదాపు దశాబ్ద కాలంగా ప్రేక్షకులను అలరిస్తున్న ఈ షో తెలుగులో మంచి ఆదరణను సొంతం చేసుకుంది. ప్రతి సీజన్లోనూ సెలబ్రిటీలు, సామాన్యులను కలిపి హౌస్లోకి పంపిస్తూ ఎంటర్టైన్మెంట్కు మరింత మసాలా జోడిస్తున్నారు.
ఇక ఇప్పుడు ‘బిగ్ బాస్ తెలుగు 10’ Bigg Boss 10 సీజన్ కోసం ప్రేక్షకులు ఆసక్తిగా ఎదురుచూస్తున్నారు. కొత్త సీజన్లో ఎవరెవరు కంటెస్టెంట్లుగా హౌస్లోకి అడుగుపెట్టబోతున్నారనే దానిపై ఇప్పటికే సోషల్ మీడియాలో పలు వార్తలు చక్కర్లు కొడుతున్నాయి.
తాజా సమాచారం ప్రకారం ఈసారి సెలబ్రిటీ కంటెస్టెంట్ల జాబితాలో జబర్దస్త్ రామ్ ప్రసాద్, నరేష్, కృష్ణుడు, చైత్ర రాజ్, ముఖేష్ గౌడ, అదితి ఈశ్వరన్ వంటి పేర్లు వినిపిస్తున్నాయి. వీరి పేర్లు ఫైనల్ అయినట్లు ప్రచారం జరుగుతుండటంతో అభిమానుల్లో ఆసక్తి మరింత పెరిగింది.
అయితే ఈ పేర్లపై ఇప్పటివరకు బిగ్ బాస్ టీమ్ నుంచి అధికారిక ప్రకటన రాలేదు. దీంతో ప్రస్తుతం వినిపిస్తున్న సమాచారం ఎంతవరకు నిజమో తెలియాలంటే అధికారిక ప్రకటన వచ్చే వరకు వేచి చూడాల్సిందే.
ఇక ఈసారి బిగ్ బాస్ తెలుగు 10వ సీజన్ సెప్టెంబర్ 6న గ్రాండ్గా ప్రారంభం కానున్నట్లు సమాచారం. గత సీజన్ల మాదిరిగానే ఈసారి కూడా కింగ్ నాగార్జునే హోస్ట్గా వ్యవహరించనున్నారు.
కొత్త కంటెస్టెంట్లు, ఆసక్తికరమైన టాస్కులు, హౌస్లో జరిగే పరిణామాలతో ఈ సీజన్ కూడా ప్రేక్షకులకు మంచి ఎంటర్టైన్మెంట్ అందిస్తుందనే అంచనాలు ఉన్నాయి. మరి ప్రచారంలో ఉన్న ఈ సెలబ్రిటీలే నిజంగా బిగ్ బాస్ హౌస్లోకి అడుగుపెడతారా లేదా అనేది తెలియాలంటే మరికొంత కాలం వేచి చూడాల్సిందే.
