గత నెల థియేటర్లలో విడుదలైన చిత్రాల్లో ప్రముఖ తెలుగు శాస్త్రవేత్త గోపాల స్వామి దొరస్వామి నాయుడు జీవిత కథ ఆధారంగా తెరకెక్కిన GDN ‘జీడీ నాయుడు’ కూడా ఒకటి. భారతీయ శాస్త్రవేత్తల్లో ప్రత్యేక గుర్తింపు తెచ్చుకున్న ఆయన జీవితాన్ని తెరపై ఆవిష్కరించిన ఈ సినిమాలో బాలీవుడ్ నటుడు ఆర్. మాధవన్ ప్రధాన పాత్రలో నటించారు. ముఖ్యంగా హిందీ మార్కెట్లో ఈ సినిమాకు మంచి స్పందన, ప్రశంసలు లభించాయి.
దర్శకుడు కృష్ణ కుమార్ రామ్ కుమార్ తెరకెక్కించిన ఈ చిత్రం తెలుగులో కూడా విడుదలైంది. అయితే ఈ సినిమా తెలుగులో వచ్చిన విషయం చాలామంది ప్రేక్షకులకు తెలియకపోవడం గమనార్హం. ఇప్పుడు ఈ చిత్రం ఓటీటీ ప్రేక్షకులను అలరించేందుకు సిద్ధమైంది.
ప్రముఖ స్ట్రీమింగ్ ప్లాట్ఫామ్ నెట్ఫ్లిక్స్ ‘జీడీ నాయుడు’ డిజిటల్ స్ట్రీమింగ్ హక్కులను సొంతం చేసుకుంది. తాజాగా ఈ సినిమా నెట్ఫ్లిక్స్లో స్ట్రీమింగ్కు అందుబాటులోకి వచ్చింది. అంతేకాకుండా తెలుగు వెర్షన్ కూడా ప్లాట్ఫామ్లో అందుబాటులో ఉంది.
తెలుగు నేలకు చెందిన ప్రముఖ శాస్త్రవేత్త గోపాల స్వామి దొరస్వామి నాయుడు జీవితం, ఆయన సాధించిన విజయాల గురించి తెలుసుకోవాలనుకునే వారికి ఈ సినిమా మంచి ఆసక్తిని కలిగించవచ్చు. థియేటర్లలో మిస్ అయిన ప్రేక్షకులు ఇప్పుడు నెట్ఫ్లిక్స్లో ‘జీడీ నాయుడు’ను వీక్షించవచ్చు.
ఈ చిత్రానికి గోవింద్ వసంత సంగీతం అందించారు. ఆర్. మాధవన్ నిర్మాణ బాధ్యతలు కూడా చేపట్టారు. బయోపిక్ కథాంశంతో తెరకెక్కిన ఈ సినిమా ఓటీటీలో ఎలాంటి స్పందనను అందుకుంటుందో చూడాలి.
