బిగ్బాస్ తెలుగు సీజన్ 10 కోసం ప్రేక్షకుల్లో ఆసక్తి రోజురోజుకూ పెరుగుతోంది. సీజన్ ప్రారంభానికి కౌంట్డౌన్ మొదలవడంతో కంటెస్టెంట్ల విషయంలో సోషల్ మీడియాలో రకరకాల వార్తలు, ఊహాగానాలు వైరల్ అవుతున్నాయి. ఈసారి కూడా సెలబ్రిటీలతో పాటు సామాన్యులకు బిగ్బాస్ హౌస్లోకి అడుగుపెట్టే అవకాశం కల్పించేందుకు ‘అగ్నిపరీక్ష’ సీజన్ 2 నిర్వహిస్తున్నారు.
ఇప్పటికే అగ్నిపరీక్ష సీజన్ 2కు సంబంధించిన వీడియోలు సోషల్ మీడియాలో సందడి చేస్తున్నాయి. రాజకుమారి డయానా, షాలిని పటేల్, ఆర్జే చరణ్, మిథిలేష్, శ్రష్ఠి వ్యాకర్ని, అమన్, హేమంత్, నవరసాలు ఆర్కే, భాగీ తుళ్లూరి, దీపక్, రోహిత్, యాంకర్ ప్రియా, సింగర్ ఝాన్సీ, గాయత్రి, మిస్ అపూర్వ తదితరులు ఈ కార్యక్రమంలో తమ అదృష్టాన్ని పరీక్షించుకున్నారు.
అయితే వీరిలో ఎంతమందికి బిగ్బాస్ హౌస్లోకి ఎంట్రీ దక్కుతుంది? ఎవరు చివరి వరకు నిలుస్తారు? అనే ప్రశ్నలకు మాత్రం ఇంకా స్పష్టత రాలేదు. ఇదిలా ఉండగా బిగ్బాస్ తెలుగు సీజన్ 10తో పాటు అగ్నిపరీక్ష సీజన్ 2కు సంబంధించిన అప్డేట్స్ను మాజీ కంటెస్టెంట్ ఆదిరెడ్డి ఎప్పటికప్పుడు తన సోషల్ మీడియా ద్వారా పంచుకుంటున్నారు.
10 మంది సెలబ్రిటీలు.. 10 మంది కామనర్స్?
ఆదిరెడ్డి చెబుతున్న వివరాల ప్రకారం ఈసారి బిగ్బాస్ తెలుగు 10లో మొత్తం 20 మంది కంటెస్టెంట్లు ఉండే అవకాశం ఉందట. ఇందులో 10 మంది సెలబ్రిటీలు, మరో 10 మంది కామనర్స్కు అవకాశం కల్పించే ఛాన్స్ ఉందని ఆయన అంచనా వేస్తున్నారు.
అంతేకాకుండా ఇప్పటికే పలువురు కంటెస్టెంట్ల పేర్లపై ఆదిరెడ్డి హింట్స్ ఇస్తున్నారు. ఆయన అంచనా ప్రకారం పల్లవి గౌడ ఈసారి బిగ్బాస్ హౌస్లోకి అడుగుపెట్టే అవకాశాలు ఎక్కువగా ఉన్నాయట.
జబర్దస్త్ నుంచి ఎవరు వస్తారు?
జబర్దస్త్ కమెడియన్ల విషయానికి వస్తే హరి, రాకింగ్ రాకేష్, నూకరాజు పేర్లు ప్రముఖంగా వినిపిస్తున్నాయి. వీరిలో కచ్చితంగా ఒకరికి బిగ్బాస్ తెలుగు 10లో అవకాశం దక్కే ఛాన్స్ ఉందని ఆదిరెడ్డి చెబుతున్నారు.
ముఖ్యంగా నూకరాజు విషయంలోనే ఎక్కువగా అంచనాలు వినిపిస్తున్నాయి. నూకరాజును చూస్తుంటే ఇమ్మాన్యుయేల్ గుర్తుకు వస్తున్నాడని, అందువల్ల అతడికి బిగ్బాస్ హౌస్లో మంచి అవకాశాలు ఉండొచ్చని ఆదిరెడ్డి అభిప్రాయపడ్డారు.
అలాగే మరో జబర్దస్త్ నటుడు, స్క్రిప్ట్ రైటర్ హరి కూడా ఈసారి బిగ్బాస్ హౌస్లోకి వచ్చే అవకాశం ఉందని ఆయన పేర్కొన్నారు.
రాయల్ ఎంసీ రమణకు కూడా ఛాన్స్?
ఇక రాయల్ ఎంసీ రమణ పేరు కూడా బిగ్బాస్ తెలుగు 10 కంటెస్టెంట్ల జాబితాలో వినిపిస్తోంది. రమణకు కూడా హౌస్లోకి ఎంట్రీ దక్కే అవకాశం ఉందని ఆదిరెడ్డి అంచనా వేస్తున్నారు.
మరోవైపు సోషల్ మీడియాలో బిగ్బాస్ తెలుగు 10కు సంబంధించి మరికొన్ని పేర్లు కూడా జోరుగా ప్రచారంలో ఉన్నాయి. పల్లవి గౌడ, తేజస్విని గౌడ, రాకింగ్ రాకేష్, వర్ష, పవిత్ర, వర్షిణి, నందూస్ వరల్డ్ నందు, చంద్రహాస్, జ్యోతి, రాయల్ ఎంసీ రమణ, హీరో అబ్బాస్ వంటి పేర్లు ఈ లిస్టులో కనిపిస్తున్నాయి.
సెప్టెంబర్లో బిగ్బాస్ తెలుగు 10?
బిగ్బాస్ తెలుగు సీజన్ 10 (Bigg Boss Telugu 10) సెప్టెంబర్ మొదటి వారంలో ప్రారంభమయ్యే అవకాశం ఉందని ప్రచారం జరుగుతోంది. ఈ సీజన్కు కూడా నాగార్జునే హోస్ట్గా వ్యవహరించనున్నట్లు తెలుస్తోంది.
ఈసారి సీరియల్ నటులు, సోషల్ మీడియా ఇన్ఫ్లుయెన్సర్లు, యూట్యూబర్లు, జబర్దస్త్ కమెడియన్లు, ఇతర పాపులర్ సెలబ్రిటీలకు అవకాశం దక్కే అవకాశాలు ఉన్నాయని టాక్. అయితే ప్రస్తుతం వైరల్ అవుతున్న కంటెస్టెంట్ల పేర్లన్నీ అధికారికంగా ఖరారైనవి కావు. బిగ్బాస్ హౌస్లోకి ఎవరు అడుగుపెడతారో తెలియాలంటే అధికారిక ప్రకటన వచ్చే వరకు వేచి చూడాల్సిందే.
