బిగ్బాస్ తెలుగు సీజన్ 10 Bigg Boss Telugu 10 గ్రాండ్ లాంచ్కు కౌంట్డౌన్ మొదలైంది. సెప్టెంబర్ మొదటి వారంలో ఈ సీజన్ ప్రారంభం కానున్నట్లు సమాచారం. ఇప్పటికే షోకు సంబంధించిన ఏర్పాట్లు శరవేగంగా జరుగుతుండగా, మరోవైపు సెలబ్రిటీ కంటెస్టెంట్ల ఎంపిక ప్రక్రియ కూడా కొనసాగుతున్నట్లు తెలుస్తోంది. దీంతో ఈసారి బిగ్బాస్ హౌస్లోకి ఎంట్రీ ఇచ్చే సెలబ్రిటీలు ఎవరనే ఆసక్తి ప్రేక్షకుల్లో నెలకొంది.
ముఖ్యంగా సోషల్ మీడియాలో పలువురు సెలబ్రిటీల పేర్లు కంటెస్టెంట్ల జాబితాలో వినిపిస్తున్నాయి. పల్లవి గౌడ, తేజస్విని గౌడ, కావ్యశ్రీ, వాసంతి కృష్ణన్ భర్త పవన్ కళ్యాణ్, జబర్దస్త్ ఫేమ్ ఎక్స్ప్రెస్ హరి, ఆటో రామ్ ప్రసాద్, నూకరాజు, రాకింగ్ రాకేష్, ఆట సందీప్ భార్య జ్యోతి, నందూస్ వరల్డ్ నందూ, రాయల్ మెక్ రమణ, శివ్, కడలి సత్యనారాయణ తదితరుల పేర్లు ప్రస్తుతం సోషల్ మీడియాలో చక్కర్లు కొడుతున్నాయి.
ఈ లిస్ట్లోకి తాజాగా మరో ఆసక్తికరమైన పేరు చేరినట్లు ప్రచారం జరుగుతోంది. అది కూడా టాలీవుడ్కు చెందిన హీరో కావడం విశేషం. తెలుగు సినిమాల్లో హీరోగా, సెకండ్ హీరోగా తనకంటూ గుర్తింపు తెచ్చుకున్న అదిత్ అరుణ్ పేరు ఇప్పుడు బిగ్బాస్ సీజన్ 10 కోసం వినిపిస్తోంది.
అదిత్ అరుణ్ ఇప్పటికే పలు తెలుగు సినిమాల్లో నటించి ప్రేక్షకులకు దగ్గరయ్యాడు. ‘కథలో రాజకుమారి’, ‘తుంగభద్ర’, ‘పీఎస్వీ గరుడ వేగ’, ‘డియర్ మేఘ’, ‘ప్రేమదేశం’, ‘లైన్ మ్యాన్’, ‘జిగేల్’, ‘ఈషా’, ‘మిస్టర్ వర్క్ ఫ్రమ్ హోమ్’ వంటి చిత్రాల్లో నటించాడు. విభిన్న పాత్రలను ఎంచుకుంటూ తనకంటూ ప్రత్యేక గుర్తింపు తెచ్చుకున్నాడు.
ఇటీవల విడుదలైన ‘చెన్నై లవ్ స్టోరీ’ సినిమాలోనూ అదిత్ అరుణ్ సెకండ్ హీరోగా కనిపించినట్లు సమాచారం. ముఖ్యంగా యూత్లో ఆయనకు మంచి ఫాలోయింగ్ ఉండటంతో బిగ్బాస్ నిర్వాహకులు ఆయనపై ఆసక్తి చూపుతున్నట్లు టాక్ వినిపిస్తోంది.
ఇప్పటికే బిగ్బాస్ టీమ్ అదిత్ అరుణ్ను సంప్రదించినట్లు ప్రచారం జరుగుతోంది. అయితే షోలో పాల్గొనే విషయంపై ఆయన నుంచి ఇంకా అధికారికంగా ఎలాంటి క్లారిటీ రాలేదని సమాచారం. ఒకవేళ అదిత్ అరుణ్ బిగ్బాస్ హౌస్లోకి అడుగుపెడితే యూత్ ఆడియెన్స్ను ఆకట్టుకోవచ్చని నిర్వాహకులు భావిస్తున్నట్లు తెలుస్తోంది.
అయితే ప్రస్తుతం ఇవన్నీ ప్రచారాలకే పరిమితం. అదిత్ అరుణ్ నిజంగానే బిగ్బాస్ తెలుగు సీజన్ 10లో కంటెస్టెంట్గా ఎంట్రీ ఇస్తాడా? లేక చివరి నిమిషంలో ఈ పేరు మారిపోతుందా? అనే విషయం తెలియాలంటే షో గ్రాండ్ లాంచ్ వరకు వేచి చూడాల్సిందే.
