Posted [relativedate] at [relativetime time_format=”H:i”]
రియాల్టీ షోలో మైన‌ర్ బాలిక‌ను ముద్దుపెట్టుకోవ‌డంపై బాలీవుడ్ సింగర్, మ్యూజిక్ డైరెక్ట‌ర్ పపొన్ క్ష‌మాప‌ణ చెప్పాడు. దీనిపై బ‌హిరంగ లేఖ ద్వారా వివ‌ర‌ణ ఇచ్చాడు. తానెలాంటి త‌ప్పు చేయ‌లేద‌న్నాడు. ఓ చాన‌ల్ లో ప్ర‌సారమ‌వుతున్న ఇండియా కిడ్స్ రియాల్టీ షోకు పపొన్ మ‌హంత జ‌డ్జిగా వ్య‌వ‌హరిస్తున్నాడు. హోలీ కోసం రియాల్టీ షోలో స్పెష‌ల్ ఎపిసోడ్ చిత్రీక‌రించారు. ఇందులో భాగంగా పపొన్ 11 ఏళ్ల బాలిక ముఖానికి రంగులు పూసి పెదాల‌పై ముద్దుపెట్టుకున్నాడు. ఇది ఫేస్ బుక్ లైవ్ పేజీలో ప్ర‌త్య‌క్ష‌ప్ర‌సారం కావ‌డంతో పపొన్ తీరుపై నెటిజ‌న్లు తీవ్ర ఆగ్ర‌హం వ్య‌క్తంచేశారు. సుప్రీంకోర్టు న్యాయ‌వాది రునా భుయాన్ జాతీయ బాల‌ల హ‌క్కుల ప‌రిర‌క్ష‌ణ సంఘంలో పపొన్ పై ఫిర్యాదుచేశారు.
ఈ నేప‌థ్యంలో పపొన్ స్పందించాడు. ఏ విష‌యాన్న‌యినా ఓపెన్ గా ఎక్స్ ప్రెస్ చేయ‌డం త‌న‌కు అల‌వాట‌ని, అలాగే తాను పాప‌కు ముద్దుపెట్టాను త‌ప్ప అందులో ఎలాంటి దురుద్దేశం లేద‌ని అన్నాడు. తాను ఏ త‌ప్పూ చేయ‌లేద‌ని న‌మ్ముతున్నాన‌ని, ఒక‌వేళ ముద్దుపెట్ట‌డం త‌ప్ప‌యితే మాత్రం త‌న‌ను క్ష‌మించాల‌ని కోరాడు. ఒక‌వేళ త‌న మ‌న‌సులో ఏద‌న్నా దురుద్దేశం ఉంటే ఆ వీడియోని ఫేస్ బుక్ లో ఎందుకు పెడ‌తాన‌ని ప్ర‌శ్నించాడు. 14 ఏళ్ల‌క్రితం పెళ్ల‌యిన త‌న‌కు ఇద్ద‌రు పిల్ల‌లు ఉన్నార‌ని, సోష‌ల్ మీడియా ద్వారా చేసే విమ‌ర్శ‌లు రెండు కుటుంబాల్లో చిచ్చుపెడ‌తాయని ఆందోళ‌న వ్య‌క్తంచేశాడు. ద‌య‌చేసి ఓ అమాయ‌క చిన్నారి జీవితాన్ని నాశ‌నం చేయ‌వ‌ద్ద‌ని బ‌హిరంగ‌లేఖ‌లో పపొన్ కోరాడు. బాలిక తండ్రి కూడా దీనిపై స్పందించాడు. పపొన్ ఎలాంటి త‌ప్పూ చేయ‌లేద‌ని, ఈ విష‌యంలో పపొన్ ను త‌ప్పుగా అర్ధం చేసుకోవాల్సిన అవ‌స‌రం లేద‌ని అభిప్రాయ‌పడ్డాడు.
