Dacoit OTT: టాలీవుడ్ యంగ్ అండ్ ప్రామిసింగ్ హీరో అడివి శేష్ హీరోగా, స్టార్ బ్యూటీ మృణాల్ ఠాకూర్ హీరోయిన్గా నటించిన లవ్ యాక్షన్ డ్రామా ‘డెకాయిట్’ చివరకు ఓటిటిలోకి వచ్చేసింది. షానియల్ డియో దర్శకత్వంలో తెరకెక్కిన ఈ చిత్రం బాక్సాఫీస్ వద్ద మిక్స్డ్ టాక్ వచ్చినప్పటికీ, వసూళ్ల పరంగా మాత్రం మంచి రన్ నమోదు చేసింది.
థియేటర్లలో మూడు వారాల పాటు నిలకడగా ఆడిన ఈ సినిమా ఇప్పుడు డిజిటల్ ప్రేక్షకుల ముందుకు వచ్చింది. ప్రముఖ ఓటిటి ప్లాట్ఫామ్ Amazon Prime Video ఈ మూవీ స్ట్రీమింగ్ హక్కులను సొంతం చేసుకోగా, నేటి నుంచే అక్కడ అందుబాటులో ఉంది.
ప్రస్తుతం ఈ చిత్రాన్ని తెలుగు, తమిళం, కన్నడ, మలయాళం భాషల్లో మాత్రమే రిలీజ్ చేయడం జరిగింది. హిందీ వెర్షన్ ఇంకా అందుబాటులోకి రాకపోవడంతో ఉత్తరాది ప్రేక్షకులకు ఇది కాస్త నిరాశ కలిగించే అంశమే. అయితే థియేటర్లలో మిస్ అయినవాళ్లకు మాత్రం ఇప్పుడు ఓటిటిలో చూసే మంచి అవకాశం వచ్చింది.
ఈ చిత్రానికి భీమ్స్ సంగీతం అందించగా, సుప్రియ యార్లగడ్డ నిర్మాణ బాధ్యతలు నిర్వహించారు. లవ్, యాక్షన్, ఎమోషన్ మిక్స్తో రూపొందిన ఈ కథ డిజిటల్ ఆడియెన్స్ను ఎంతవరకు ఆకట్టుకుంటుందో చూడాలి.