టాలీవుడ్ టాలెంటెడ్ దర్శకుడు, నటుడు తరుణ్ భాస్కర్ హీరోగా నటించిన తాజా చిత్రం ‘గాయపడ్డ సింహం’. కొత్త దర్శకుడు కశ్యప్ శ్రీనివాస్ తెరకెక్కించిన ఈ కామెడీ డ్రామా మే 1న థియేటర్లలో విడుదలైంది. ప్రమోషన్స్తో ముందే మంచి బజ్ క్రియేట్ చేసినప్పటికీ, సినిమా కంటెంట్ ఆశించిన స్థాయిలో ఆకట్టుకోలేకపోయింది. ఫలితంగా విడుదలైన రోజే ఇతర సినిమాలతో పాటు ఈ చిత్రం కూడా ప్రేక్షకుల దృష్టికి దూరమైపోయింది.
థియేటర్లలో ఆశించిన రెస్పాన్స్ రాకపోవడంతో, ఈ సినిమా ఎక్కువ కాలం వెయిట్ చేయకుండా సైలెంట్గా ఓటిటిలోకి వచ్చేసింది. కేవలం మూడు వారాల వ్యవధిలోనే ఈ చిత్రాన్ని ప్రముఖ స్ట్రీమింగ్ ప్లాట్ఫామ్ Amazon Prime Video అందుబాటులోకి తీసుకొచ్చింది. ఇవాళ్టి నుంచే స్ట్రీమింగ్ స్టార్ట్ కావడంతో, థియేటర్లలో మిస్ అయినవాళ్లు ఇప్పుడు ఇంట్లోనే ఈ కామెడీ స్పూఫ్ డ్రామాను చూసేయచ్చు.
ఈ చిత్రంలో జేడీ చక్రవర్తి కీలక పాత్రలో కనిపించగా, సప్త అశ్వ మీడియా వర్క్స్, జీ స్టూడియోస్ నిర్మాణ బాధ్యతలు వహించాయి. థియేటర్లలో నడవని సినిమాలు ఓటిటిలో కొత్త జీవితం పొందడం తెలిసిందే. మరి ‘గాయపడ్డ సింహం’కు స్ట్రీమింగ్ ప్లాట్ఫామ్ ఎంతవరకు ప్లస్ అవుతుందో చూడాలి.