సౌత్ ఇండియన్ సినిమాలో వేగంగా గుర్తింపు తెచ్చుకుంటున్న యంగ్ హీరోయిన్ Rukmini Vasanth తాజాగా ఓ అనవసర వివాదంలో ఇరుక్కొన్నారు. ఆమెకు సంబంధించి అంటూ కొన్ని షాకింగ్ వీడియో విజువల్స్, ఫోటోలు సోషల్ మీడియాలో అకస్మాత్తుగా వైరల్ కావడంతో ఈ విషయం పెద్ద చర్చగా మారింది.
ఈ వ్యవహారంపై స్పందించిన రుక్మిణి వసంత్, అధికారికంగా ఓ ప్రెస్ నోట్ విడుదల చేశారు. వైరల్ అవుతున్న ఫోటోలు, వీడియోలు పూర్తిగా ఫేక్ అని, అవి తనవి కాదని ఆమె స్పష్టంగా తెలిపారు. ఈ కంటెంట్ తన దృష్టికి వచ్చిందని, తన ప్రైవసీకి భంగం కలిగించేలా ఈ ప్రచారం జరుగుతోందని ఆమె ఆగ్రహం వ్యక్తం చేశారు.
ఇలాంటి అసత్య ప్రచారానికి పాల్పడిన వారిపై కఠిన చర్యలు తీసుకుంటానని హెచ్చరిస్తూ, ఇప్పటికే సైబర్ క్రైమ్కు ఫిర్యాదు చేసినట్లు వెల్లడించారు. అలాగే ఆ ఫోటోలు, వీడియోలను ఎవరూ షేర్ చేయవద్దని అభిమానులు, నెటిజన్లను ఆమె విజ్ఞప్తి చేశారు.
ఈ ఫేక్ కంటెంట్ వెనుక ఉన్నవారిని పోలీసులు గుర్తిస్తారా? వారికి ఎలాంటి చర్యలు తీసుకుంటారు? అన్నది ఇప్పుడు ఆసక్తికరంగా మారింది.
