గాడ్ ఆఫ్ మాసెస్ నందమూరి బాలకృష్ణ ప్రస్తుతం వరుస సినిమాలతో ఫుల్ బిజీగా ఉన్నారు. ఇప్పటికే యంగ్ డైరెక్టర్ గోపీచంద్ మలినేని దర్శకత్వంలో NBK111లో నటిస్తున్న బాలయ్య, తదుపరి చిత్రాన్ని కోరటాల శివ దర్శకత్వంలో చేయడానికి రెడీ అవుతున్నారు. ఈ ప్రాజెక్ట్కు సంబంధించిన అధికారిక లాంచ్ మే 21న జరగనుందని సమాచారం.
ఇప్పటికే ఈ సినిమాకు ఓ ఇంట్రెస్టింగ్ టైటిల్ను ఫిక్స్ చేసినట్టు టాక్ వినిపిస్తోంది. అదే ‘కార్పెంటర్’. ఈ సినిమాలో బాలయ్య కార్పెంటర్ పాత్రలో కనిపించనున్నారట. అంతేకాదు, ఈ టైటిల్కు యూనివర్సల్ అప్పీల్ ఉంటుందని మేకర్స్ భావిస్తున్నారని సమాచారం.
అయితే ఇక్కడే ఒక ఆసక్తికరమైన లింక్ తెరపైకి వస్తోంది. గతంలో మెగాస్టార్ చిరంజీవి, కొరటాల శివ కాంబినేషన్లో వచ్చిన ఆచార్య చిత్రంలో కూడా చిరంజీవి కార్పెంటర్ పాత్రలో కనిపించారు. కానీ ఆ సినిమా ఆశించిన ఫలితాన్ని ఇవ్వలేక డిజాస్టర్గా నిలిచింది.
ఈసారి మాత్రం బాలయ్య కోసం కొరటాల శివ పవర్ఫుల్ కథను సిద్ధం చేశాడని ఇండస్ట్రీ వర్గాలు చెబుతున్నాయి. మరి ‘కార్పెంటర్’ టైటిల్తో బాలయ్య చేసే ఈ ప్రయోగం ఎంతవరకు వర్కవుట్ అవుతుందో, ‘ఆచార్య’ జ్ఞాపకాలను దాటుకుంటుందో చూడాలి.