మెగా పవర్ స్టార్ రామ్ చరణ్ నటిస్తున్న భారీ చిత్రం ‘పెద్ది’ (Peddi) పై అంచనాలు రోజురోజుకీ పెరుగుతున్నాయి. సినిమా విడుదలకు ఇంకా సుమారు 25 రోజులే ఉండటంతో, ప్రమోషన్లను నెక్స్ట్ లెవెల్కు తీసుకెళ్లేందుకు మేకర్స్ గట్టిగా ప్లాన్ చేస్తున్నారు. అందులో భాగంగానే అభిమానులు ఆసక్తిగా ఎదురు చూస్తున్న ట్రైలర్ లాంచ్ను భోపాల్లో నిర్వహించాలని నిర్ణయించారు. అయితే ఈ ఈవెంట్కు భోపాల్ని ఎందుకు ఎంచుకున్నారు అనే ప్రశ్న ఫ్యాన్స్లో మొదలైంది.
దీనికి కారణం గతంలో ‘పుష్ప 2’ టీమ్ బీహార్లో చేసిన ప్రమోషన్ స్ట్రాటజీ సూపర్ హిట్ అవ్వడమే. నార్త్ ఇండియా మార్కెట్లో సినిమాపై బజ్ క్రియేట్ చేయాలంటే ఇలాంటి గ్రౌండ్ లెవెల్ ఈవెంట్స్ కీలకం అన్న ఫార్ములాను ఇప్పుడు ‘పెద్ది’ టీమ్ ఫాలో అవుతోంది. చరణ్కు కూడా నార్త్లో మాస్ క్రేజ్ మరింతగా పెంచాలన్నదే ఈ ప్రయత్నం వెనక ఉన్న అసలు ఉద్దేశం.
‘ఆర్ఆర్ఆర్’ తర్వాత చరణ్కు హిందీ బెల్ట్లో మంచి గుర్తింపు వచ్చినా, ‘గేమ్ ఛేంజర్’ వల్ల ఏర్పడిన మిశ్రమ ప్రభావాన్ని పూర్తిగా తుడిచేసి మళ్లీ స్ట్రాంగ్ ఇంపాక్ట్ ఇవ్వాలని మేకర్స్ భావిస్తున్నారు. ఇప్పటికే ‘చికిరి చికిరి’ సాంగ్ మంచి రెస్పాన్స్ తెచ్చుకోగా, ఇప్పుడు భోపాల్లో జరగనున్న ట్రైలర్ లాంచ్ ద్వారా నేషనల్ మీడియా అటెన్షన్ సంపాదించాలని చూస్తున్నారు.
మరి ఈ భోపాల్ ఈవెంట్ ‘పెద్ది’కి ఎంతవరకు పాన్ ఇండియా బూస్ట్ ఇస్తుందో, ట్రైలర్ ఎలాంటి సంచలనం సృష్టిస్తుందో చూడాలి.