మాస్ మహారాజ రవితేజ హీరోగా, ప్రియా భవాని శంకర్ హీరోయిన్గా దర్శకుడు శివ నిర్వాణ తెరకెక్కిస్తున్న అవైటెడ్ ప్రాజెక్ట్ ‘ఇరుముడి’ (Irumudi) ప్రస్తుతం ఫుల్ స్వింగ్లో దూసుకుపోతోంది. డివోషనల్ టచ్తో పాటు స్ట్రాంగ్ ఎమోషనల్ కంటెంట్తో రూపొందుతున్న ఈ సినిమా, రవితేజ గత చిత్రాలతో పోలిస్తే ప్రారంభం నుంచే సాలిడ్ బజ్ క్రియేట్ చేసింది.
లేటెస్ట్ అప్డేట్ ప్రకారం షూటింగ్ దాదాపు చివరి దశకు చేరుకుందని సమాచారం. ఇంకా కేవలం నెల రోజుల షూటింగ్ మాత్రమే మిగిలి ఉందట. దీంతో మేకర్స్ వేగం పెంచి సినిమా పనులను త్వరగా ముగించే ప్రయత్నంలో ఉన్నారని తెలుస్తోంది. ఇదే జోరు కొనసాగితే ‘ఇరుముడి’ రిలీజ్ కూడా ఊహించిన దానికంటే ముందే ఉండే ఛాన్స్ కనిపిస్తోంది.
ఈ చిత్రానికి జీవి ప్రకాష్ కుమార్ సంగీతం అందిస్తుండగా, ఈ సినిమాపై ఆయన కూడా ప్రత్యేకంగా ఎగ్జైటెడ్గా ఉన్నట్టు టాక్. మైత్రి మూవీ మేకర్స్ నిర్మాణంలో తెరకెక్కుతున్న ఈ ప్రాజెక్ట్ అన్ని పనులు కంప్లీట్ చేసుకుని త్వరలోనే ప్రేక్షకుల ముందుకు రానుందని చిత్ర వర్గాలు ధీమాగా చెబుతున్నాయి.