నందమూరి నటసింహం బాలకృష్ణ హీరోగా, కాజల్ అగర్వాల్, మంచు మనోజ్ కీలక పాత్రల్లో నటిస్తున్న తాజా చిత్రం ‘దాదా’ DADA. గోపీచంద్ మలినేని దర్శకత్వంలో తెరకెక్కుతున్న ఈ గ్యాంగ్స్టర్ యాక్షన్ డ్రామాపై ఇప్పటికే ప్రేక్షకుల్లో మంచి అంచనాలు నెలకొన్నాయి. ప్రస్తుతం ఈ సినిమా షూటింగ్ శరవేగంగా కొనసాగుతున్నట్లు తెలుస్తోంది.
తాజా సమాచారం ప్రకారం ‘దాదా’ షూటింగ్ను త్వరితగతిన పూర్తి చేసేందుకు మేకర్స్ ఓ డెడ్లైన్ను పెట్టుకున్నారట. ప్రస్తుతం చిత్రీకరణ ఇంకా సుమారు 20 నుంచి 25 రోజుల మేర బ్యాలెన్స్ ఉన్నట్లు సినీ వర్గాల్లో టాక్ వినిపిస్తోంది. మిగిలిన షూటింగ్ను ఎలాంటి ఆలస్యం లేకుండా పూర్తి చేసి, అక్టోబర్ నాటికి మొత్తం చిత్రీకరణకు ఫుల్స్టాప్ పెట్టాలని చిత్రబృందం భావిస్తున్నట్లు సమాచారం.
అదే జరిగితే డిసెంబర్లో ‘దాదా’ను ప్రేక్షకుల ముందుకు తీసుకురావడానికి మేకర్స్కు మార్గం సుగమం అవుతుంది. ఇప్పటికే బాలకృష్ణ, గోపీచంద్ మలినేని కాంబినేషన్పై ఆసక్తి నెలకొనడంతో సినిమా విడుదలపై కూడా అభిమానుల్లో క్యూరియాసిటీ పెరుగుతోంది.
ఈ చిత్రానికి థమన్ సంగీతం అందిస్తున్నారు. భారీ బడ్జెట్తో తెరకెక్కుతున్న ఈ సినిమాను వృద్ధి సినిమాస్ బ్యానర్పై నిర్మిస్తున్నారు. యాక్షన్, గ్యాంగ్స్టర్ అంశాలతో తెరకెక్కుతున్న ‘దాదా’ బాలకృష్ణ అభిమానులకు ఎలాంటి ట్రీట్ ఇవ్వబోతుందో చూడాలి.
