సూపర్ స్టార్ రజినీకాంత్ హీరోగా తెరకెక్కుతున్న క్రేజీ మాస్ ప్రాజెక్ట్ ‘ధర్మన్’ Dharman. ‘జైలర్ 2’ తర్వాత రజినీకాంత్ నటిస్తున్న ఈ సినిమాకు యువ దర్శకుడు అశ్వత్ మారిముత్తు దర్శకత్వం వహిస్తున్నారు. ఇప్పటికే ఈ సినిమాపై భారీ అంచనాలు నెలకొనగా, షూటింగ్ కూడా అదే రేంజ్లో శరవేగంగా జరుగుతున్నట్లు తెలుస్తోంది.
తాజాగా ‘ధర్మన్’ చిత్ర బృందం రెండో షెడ్యూల్ను కూడా పూర్తి చేసింది. ఈ సందర్భంగా సినిమాకు సంబంధించిన ఓ క్రేజీ ప్రోమోను మేకర్స్ విడుదల చేశారు. దీంతో సినిమాపై అభిమానుల్లో ఆసక్తి మరింత పెరిగింది.
అయితే ఈ సినిమా షూటింగ్ను దర్శకుడు అశ్వత్ మారిముత్తు ఊహించిన దానికంటే వేగంగా పూర్తి చేస్తున్నారట. సాధారణంగా నాలుగు రోజుల్లో పూర్తి చేయాలని ప్లాన్ చేసుకునే షూటింగ్ షెడ్యూల్ను కూడా ఆయన కేవలం రెండు రోజుల్లోనే కంప్లీట్ చేస్తున్నట్లు కోలీవుడ్ వర్గాల్లో టాక్ వినిపిస్తోంది.
ఇంత వేగంగా షూటింగ్ జరుగుతున్నప్పటికీ ఔట్పుట్ విషయంలో మాత్రం ఎలాంటి రాజీ పడటం లేదని సమాచారం. అనుకున్న విధంగానే క్వాలిటీ ఔట్పుట్ వస్తుండటంతో చిత్ర బృందం కూడా సంతృప్తిగా ఉన్నట్లు తెలుస్తోంది.
ఇదే స్పీడ్ కొనసాగితే ‘ధర్మన్’ షూటింగ్ అనుకున్న సమయానికి ముందుగానే పూర్తయ్యే అవకాశం ఉందని సినీ వర్గాలు భావిస్తున్నాయి. దీంతో సినిమా త్వరగా పోస్ట్ ప్రొడక్షన్ పనులు పూర్తి చేసుకుని ప్రేక్షకుల ముందుకు వచ్చే అవకాశాలు కనిపిస్తున్నాయి.
ఇక ఈ సినిమాకు అనిరుద్ రవిచందర్ సంగీతం అందిస్తున్నారు. యూనివర్సల్ స్టార్ కమల్ హాసన్ నిర్మాణంలో తెరకెక్కుతున్న ఈ ప్రాజెక్ట్పై ఇప్పటికే భారీ అంచనాలు ఉన్నాయి. రజినీకాంత్ మాస్ ఇమేజ్కు అశ్వత్ మారిముత్తు టేకింగ్ ఎలా ఉండబోతుందనే ఆసక్తి అభిమానుల్లో నెలకొంది.
