సూపర్ స్టార్ రజినీకాంత్, యువ దర్శకుడు అశ్వత్ మారిముత్తు కాంబినేషన్లో తెరకెక్కుతున్న ‘ధర్మన్’పై (Dharman) ఇప్పటికే భారీ అంచనాలు నెలకొన్నాయి. ప్రస్తుతం ఈ సినిమా షూటింగ్ శరవేగంగా కొనసాగుతున్నట్లు తెలుస్తోంది. ఇందులో రజినీకాంత్ ఓ డెడ్లీ డాక్టర్ పాత్రలో కనిపించనున్నారనే వార్తలు ఇప్పటికే ఆసక్తిని పెంచగా, తాజాగా సినిమాకు సంబంధించి మరో క్రేజీ బజ్ వైరల్ అవుతోంది.
టాలీవుడ్ ఎనర్జిటిక్ స్టార్ రామ్ పోతినేని ఈ చిత్రంలో రజినీకాంత్కు వ్యతిరేకంగా కనిపించనున్నారనే వార్తలు ఇప్పుడు సోషల్ మీడియాలో చక్కర్లు కొడుతున్నాయి. అంతేకాదు, సినిమాలో రజినీకాంత్ అల్లుడి పాత్రలో రామ్ కనిపించనున్నారని, ఈ పాత్రకు నెగిటివ్ షేడ్స్ ఉంటాయని టాక్ వినిపిస్తోంది.
అయితే ప్రస్తుతం రామ్ పోతినేనిని ఈ పాత్ర కోసం సంప్రదించిన దశలోనే చర్చలు ఉన్నాయని సమాచారం. ఆయన ఈ ప్రాజెక్ట్కు గ్రీన్ సిగ్నల్ ఇచ్చారా లేదా అన్నది ఇంకా అధికారికంగా తెలియాల్సి ఉంది. దీంతో ఈ వార్తల్లో ఎంతవరకు నిజముందనేది ఆసక్తికరంగా మారింది.
మరోవైపు రామ్ పోతినేని హీరోగా నటిస్తూ, దర్శకత్వ బాధ్యతలు కూడా చేపట్టిన ఓ ప్రాజెక్ట్ షూటింగ్లో బిజీగా ఉన్నారు. ‘ధర్మన్’లో రజినీకాంత్తో రామ్ నిజంగా తలపడతారా లేదా అన్నది అధికారిక ప్రకటన వచ్చే వరకు వేచి చూడాల్సిందే.
