కన్నడ రాకింగ్ స్టార్ యష్ హీరోగా తెరకెక్కిన మోస్ట్ అవైటెడ్ పాన్ ఇండియా చిత్రం ‘టాక్సిక్’ (Toxic) పై భారీ అంచనాలు నెలకొన్నాయి. గీతూ మోహన్ దాస్ దర్శకత్వం వహించిన ఈ చిత్రంలో కియారా అద్వానీ, తారా సుతారియా, రుక్మిణి వసంత్ కథానాయికలుగా నటించారు. పాన్ ఇండియా భాషలతో పాటు ఇంగ్లీష్లోనూ ఈ సినిమాను విడుదల చేసేందుకు మేకర్స్ సిద్ధమయ్యారు.
ఈ నేపథ్యంలో తెలుగు రాష్ట్రాల్లో సినిమా ప్రమోషన్స్ను మరింత గ్రాండ్గా నిర్వహించేందుకు మేకర్స్ కీలక నిర్ణయం తీసుకున్నారు. ఆగస్టు 22న హైదరాబాద్లోని మల్లారెడ్డి యూనివర్సిటీలో ‘టాక్సిక్’ తెలుగు గ్రాండ్ ప్రీ-రిలీజ్ ఈవెంట్ నిర్వహించనున్నట్లు అధికారికంగా ప్రకటించారు.
ఈ వేడుకకు హీరో యష్తో పాటు సినిమాలోని పలువురు కీలక నటీనటులు హాజరు కానున్నట్లు తెలుస్తోంది. ఈ విషయాన్ని తెలియజేస్తూ మేకర్స్ ప్రత్యేకమైన ప్రోమోను కూడా విడుదల చేశారు. దీంతో హైదరాబాద్లో జరగనున్న ఈ గ్రాండ్ ఈవెంట్పై అభిమానుల్లో ఆసక్తి మరింత పెరిగింది.
రవి బసృర్ ఈ చిత్రానికి సంగీతం అందిస్తుండగా, KVN Productionsతో పాటు యష్ కూడా నిర్మాణంలో భాగస్వామిగా ఉన్నారు. భారీ అంచనాల నడుమ ఆగస్టు 26న ‘టాక్సిక్’ ప్రపంచవ్యాప్తంగా ప్రేక్షకుల ముందుకు రానుంది.
