రాకింగ్ స్టార్ యష్ నటించిన మోస్ట్ అవైటెడ్ మూవీ ‘టాక్సిక్’ పై ప్రేక్షకుల్లో భారీ అంచనాలు నెలకొన్న సంగతి తెలిసిందే. గీతూ మోహన్దాస్ దర్శకత్వంలో తెరకెక్కిన ఈ సినిమాను కన్నడతో పాటు ఇంగ్లీష్లోనూ ఏకకాలంలో రూపొందించారు. ఈ భారీ ప్రాజెక్ట్ కోసం ప్రముఖ అంతర్జాతీయ నిర్మాణ సంస్థ లయన్స్గేట్.. కేవీఎన్ ప్రొడక్షన్స్తో కలిసి పనిచేసింది.
అయితే ఇతర భాషల వెర్షన్లతో పాటు ఇంగ్లీష్ వెర్షన్ను మాత్రం మొదటి నుంచే థియేటర్లలోకి తీసుకురాలేకపోయారు. సినిమా విడుదలైన తర్వాత తొలి వారంలో మిక్స్డ్ టాక్ రావడంతో పాటు బాక్సాఫీస్ వద్ద కూడా ఆశించిన స్థాయిలో స్పందన కనిపించలేదు.
ఈ నేపథ్యంలో ‘టాక్సిక్’ Toxic టీమ్ తాజాగా ఇంగ్లీష్ వెర్షన్కు సంబంధించి కీలకమైన అప్డేట్ ఇచ్చింది. సెప్టెంబర్ 4న, అంటే రేపటి నుంచి ఎంపిక చేసిన థియేటర్లలో ‘టాక్సిక్’ ఇంగ్లీష్ వెర్షన్ను విడుదల చేయనున్నట్లు ప్రకటించింది. దీంతో యష్ సినిమాను ఇంగ్లీష్ ఆడియన్స్ ఎలా రిసీవ్ చేసుకుంటారనే ఆసక్తి నెలకొంది.
ఇక ఈ ఇంగ్లీష్ వెర్షన్లో మరో ప్రత్యేకత కూడా ఉంది. ఒరిజినల్ వెర్షన్ రన్టైమ్ ఏకంగా 3 గంటల 14 నిమిషాలు ఉండగా.. ఇంగ్లీష్ ఆడియన్స్ను దృష్టిలో పెట్టుకుని మరింత క్రిస్ప్గా ఉండేలా నిడివిని తగ్గించి ఈ కట్ను సిద్ధం చేసినట్లు తెలుస్తోంది.
సుమారు రూ.500 కోట్ల భారీ బడ్జెట్తో తెరకెక్కిన ‘టాక్సిక్’కు అంతర్జాతీయ స్థాయిలో కూడా మంచి క్రేజ్ ఉంది. మరి ఎంపిక చేసిన థియేటర్లలో విడుదల కానున్న ఇంగ్లీష్ వెర్షన్కు ప్రేక్షకుల నుంచి ఎలాంటి స్పందన వస్తుందో చూడాలి.
