రాకింగ్ స్టార్ యష్ హీరోగా, దర్శకురాలు గీతు మోహన్దాస్ తెరకెక్కిస్తున్న ప్రతిష్ఠాత్మక చిత్రం ‘టాక్సిక్ (Toxic): ఎ ఫెయిరీ టేల్ ఫర్ గ్రోన్-అప్స్’. కేవీఎన్ ప్రొడక్షన్స్, మాన్స్టర్ మైండ్ క్రియేషన్స్ సంయుక్తంగా నిర్మిస్తున్న ఈ సినిమాపై ఇప్పటికే భారీ అంచనాలు ఉన్నాయి. తాజాగా చిత్ర బృందం మరో ఆసక్తికరమైన అప్డేట్ను వెల్లడించింది.
సినిమాలోని ప్రధాన తారాగణం లుక్స్తో కూడిన ఫుల్ స్టార్ కాస్ట్ పోస్టర్ను మేకర్స్ విడుదల చేశారు. ఈ పోస్టర్లో నటీనటుల పాత్రలపై కూడా స్పష్టత ఇచ్చారు.
ఈ చిత్రంలో యష్ ‘రాయా’ తో పాటు అతని కుమారుడు ‘రూమి అలియాస్ టికెట్’ పాత్రల్లో ద్విపాత్రాభినయం చేస్తున్నారు. కియారా అద్వానీ రూమి తల్లి ‘నాడియా’గా కనిపించనుండగా, నయనతార రాయా సోదరి ‘గంగ’ పాత్రను పోషిస్తున్నారు.
ఇక హుమా ఖురేషి ‘ఎలిజబెత్’, తారా సుతారియా ‘రెబెక్కా’, రుక్మిణి వసంత్ ‘మెలిస్సా’ పాత్రల్లో కనిపించనున్నారు. అలాగే అక్షయ్ ఒబెరాయ్ ‘టోనీ’, డారెల్ డిసిల్వా ‘సాల్వడార్’, సుదేవ్ నాయర్ ‘కర్మాడి’, బాలాజీ మనోహర్ ‘భీర’ పాత్రల్లో కీలక పాత్రలు పోషిస్తున్నారు.
ఇదిలా ఉంటే, ‘టాక్సిక్’కు సంబంధించిన అధికారిక ఇంగ్లీష్ ట్రైలర్ను ఈరోజు రాత్రి 8:30 గంటలకు విడుదల చేయనున్నట్లు మేకర్స్ ప్రకటించారు. దీంతో సినిమాను అంతర్జాతీయ స్థాయిలో మరింతగా ప్రమోట్ చేసేందుకు చిత్ర బృందం సిద్ధమవుతోంది.
ప్రపంచవ్యాప్తంగా ఆగస్టు 26న ‘టాక్సిక్’ను థియేటర్లలో విడుదల చేసేందుకు నిర్మాతలు సన్నాహాలు చేస్తున్నారు.
