సూపర్ స్టార్ రజినీకాంత్ హీరోగా నటిస్తున్న ‘జైలర్ 2’ కోసం అభిమానులు ఎంతో ఆసక్తిగా ఎదురుచూస్తున్నారు. ఈ సినిమాను శరవేగంగా పూర్తి చేస్తున్న తలైవర్, ఆ తర్వాత యువ దర్శకుడు అశ్వత్ మారిముత్తుతో కలిసి ‘ధర్మన్’ (Dharman) అనే క్రేజీ యాక్షన్ మూవీ చేస్తున్న సంగతి తెలిసిందే.
ఈ సినిమాలో రజినీకాంత్ ఓ డెడ్లీ డాక్టర్ పాత్రలో కనిపించనున్నట్లు సమాచారం. ప్రస్తుతంల్ ఈ చిత్రాన్ని కూడా రజినీకాంత్ తనదైన స్పీడ్లో పూర్తి చేస్తున్నారు. తాజాగా ‘ధర్మన్’ మొదటి షెడ్యూ పూర్తయి, రెండో షెడ్యూల్ ప్రారంభమైనట్లు మేకర్స్ అధికారికంగా ప్రకటించారు.
అయితే, ఈ సింపుల్ అప్డేట్ను ప్రకటించిన విధానం మాత్రం అభిమానులను ఆకట్టుకుంటోంది. మేకర్స్ విడుదల చేసిన ప్రోమోలో రజినీకాంత్ను మాస్ లుక్లో పవర్ఫుల్గా ప్రెజెంట్ చేశారు. అనిరుధ్ అందించిన మాస్ బ్యాక్గ్రౌండ్ స్కోర్తో ఈ ప్రోమో మరింత హైప్ క్రియేట్ చేసింది.
ప్రోమో చూస్తుంటే ‘ధర్మన్’లో తలైవర్ అభిమానులకు ఫుల్ మాస్ ట్రీట్ ఖాయమనే అభిప్రాయాలు వ్యక్తమవుతున్నాయి. ప్రస్తుతం ఈ ప్రాజెక్ట్పై అంచనాలు మరింత పెరిగాయి.
ఈ చిత్రంలో సిమ్రాన్, రాశి ఖన్నా, యోగిబాబు తదితరులు కీలక పాత్రల్లో నటిస్తున్నారు. యూనివర్సల్ స్టార్ కమల్ హాసన్ నిర్మిస్తున్న ఈ భారీ యాక్షన్ ఎంటర్టైనర్కు సంబంధించిన మరిన్ని వివరాలు త్వరలోనే వెల్లడికానున్నాయి.
