టాలీవుడ్లో ప్రస్తుతం ఆసక్తిని పెంచుతున్న క్రేజీ ప్రాజెక్టుల్లో మాస్ మహారాజ్ రవితేజ నటిస్తున్న ‘ఇరుముడి’ (Irumudi) ఒకటి. ప్రియా భవాని శంకర్ హీరోయిన్గా నటిస్తుండగా, దర్శకుడు శివ నిర్వాణ ఈ చిత్రాన్ని తెరకెక్కిస్తున్నారు. ఇప్పటికే సినిమాపై మంచి బజ్ నెలకొంది. తాజాగా విడుదలైన ట్రైలర్కు కూడా ప్రేక్షకుల నుంచి మంచి స్పందన లభించింది.
అయితే ట్రైలర్లో వినిపించిన ‘మల్లెపూల పల్లకి’ పాట బిట్ ఇప్పుడు సోషల్ మీడియాలో తెగ వైరల్ అవుతోంది. చిన్న బిట్కే ప్రేక్షకులు ఫుల్గా వైబ్ అవుతుండటంతో, పూర్తి పాట కోసం అభిమానులు ఆసక్తిగా ఎదురుచూస్తున్నారు.
ఈ పాట విడుదల తేదీపై దర్శకుడు శివ నిర్వాణ తాజాగా క్లారిటీ ఇచ్చారు. ట్రైలర్ లాంచ్ ఈవెంట్లో మాట్లాడుతూ, సెప్టెంబర్ 16న హైదరాబాద్లో జరగనున్న సినిమా ప్రీ-రిలీజ్ ఈవెంట్లో ‘మల్లెపూల పల్లకి’ పాటను లైవ్ పెర్ఫార్మెన్స్తో గ్రాండ్గా ఆవిష్కరించనున్నట్లు తెలిపారు.
అదే రోజు ఈ పాటను ఆన్లైన్లో కూడా విడుదల చేసే అవకాశాలు ఉన్నట్లు తెలుస్తోంది. ఇప్పటికే పాట అద్భుతంగా వచ్చిందనే టాక్ వినిపిస్తుండటంతో, పూర్తి సాంగ్ విడుదలయ్యాక ఎలాంటి రెస్పాన్స్ వస్తుందో ఆసక్తిగా మారింది.
జీవీ ప్రకాష్ కుమార్ సంగీతం అందిస్తున్న ఈ చిత్రాన్ని మైత్రి మూవీ మేకర్స్ నిర్మిస్తోంది. ‘మల్లెపూల పల్లకి’ పాట సినిమాకు మరో చార్ట్బస్టర్గా నిలుస్తుందేమో చూడాలి.
