కన్నడ రాకింగ్ స్టార్ యష్ హీరోగా నటిస్తున్న మోస్ట్ అవైటెడ్ చిత్రం ‘టాక్సిక్’ (Toxic). గీతూ మోహన్ దాస్ దర్శకత్వంలో తెరకెక్కుతున్న ఈ భారీ యాక్షన్ మూవీపై అభిమానుల్లో భారీ అంచనాలు ఉన్నాయి. ఇండియాలోనే కాకుండా అంతర్జాతీయ స్థాయిలోనూ సినిమాను విడుదల చేసేందుకు మేకర్స్ సన్నాహాలు చేస్తున్నారు.
ఇప్పటికే ప్రముఖ హాలీవుడ్ సంస్థ లయన్స్గేట్తో కలిసి ఈ చిత్రాన్ని అంతర్జాతీయ ప్రేక్షకుల ముందుకు తీసుకెళ్లేందుకు ఏర్పాట్లు జరుగుతున్న విషయం తెలిసిందే. ఈ నేపథ్యంలో ‘టాక్సిక్’ సెన్సార్, రన్టైమ్కు సంబంధించిన కొన్ని వార్తలు సోషల్ మీడియాలో వైరల్ అవుతున్నాయి.
ఇండియన్ వెర్షన్ నుంచి ఏకంగా 20 నిమిషాల సన్నివేశాలను తొలగించారనే ప్రచారం జరుగుతోంది. దీంతో భారతీయ వెర్షన్ రన్టైమ్ సుమారు 2 గంటల 55 నిమిషాలు ఉంటుందని, అదే ఓవర్సీస్ వెర్షన్ మాత్రం 3 గంటల 15 నిమిషాల నిడివితో ఉండనుందని టాక్ వినిపిస్తోంది.
అయితే ఈ సమాచారం ఎంతవరకు నిజమనే దానిపై ఇప్పటివరకు అధికారిక స్పష్టత లేదు. ముఖ్యంగా ఓవర్సీస్ కోసం సిద్ధం చేస్తున్న వెర్షన్కి, హాలీవుడ్ వెర్షన్కి మధ్య తేడా ఏమైనా ఉందా అనే విషయం కూడా తెలియాల్సి ఉంది.
గతంలోనూ ‘టాక్సిక్’ ఇంగ్లీష్ వెర్షన్లో పాటలు లేకుండా మరింత తక్కువ రన్టైమ్తో విడుదల చేయనున్నారనే ప్రచారం జరిగింది. ఈ నేపథ్యంలో ప్రస్తుతం వైరల్ అవుతున్న సెన్సార్ కట్స్, రన్టైమ్ రూమర్స్పై మేకర్స్ నుంచి అధికారిక ప్రకటన వస్తేనే పూర్తి క్లారిటీ వచ్చే అవకాశం ఉంది.
