సూపర్ స్టార్ రజినీకాంత్ నటిస్తున్న తదుపరి చిత్రం ‘ధర్మన్’ పై ఆసక్తికరమైన అప్డేట్ వెలువడింది. దర్శకుడు అశ్విత్ మారిముత్తు తెరకెక్కిస్తున్న ఈ సినిమాను కమల్ హాసన్కు చెందిన రాజ్ కమల్ ఫిల్మ్స్ ఇంటర్నేషనల్ నిర్మిస్తోంది. ఈ చిత్రంలో రజినీకాంత్ డాక్టర్ పాత్రలో కనిపించనున్నట్లు సమాచారం. ఇప్పటికే విడుదలైన ఫస్ట్ లుక్ పోస్టర్లో ‘ది డెడ్లీ డాక్టర్’ అనే ట్యాగ్లైన్తో సినిమాపై క్యూరియాసిటీ పెంచారు.
ఈ ప్రాజెక్ట్కు తొలుత సుందర్ సి, ఆ తర్వాత సిబి చక్రవర్తి దర్శకత్వం వహించనున్నట్లు వార్తలు వచ్చాయి. అయితే చివరకు ఈ బాధ్యతను అశ్విత్ మారిముత్తు చేపట్టారు. విభిన్నమైన కథలతో సినిమాలను తెరకెక్కించే అశ్విత్, రజినీకాంత్ను ఎలా ప్రెజెంట్ చేయబోతున్నారనే ఆసక్తి అభిమానుల్లో నెలకొంది.
తాజా సమాచారం ప్రకారం, ‘ధర్మన్’ (Dharman) షూటింగ్ ఆగస్టు 11 నుంచి చెన్నైలో ప్రారంభం కానుంది. వీలైనంత త్వరగా చిత్రీకరణ పూర్తి చేసేందుకు మేకర్స్ వరుస షెడ్యూల్స్ను ప్లాన్ చేస్తున్నట్లు తెలుస్తోంది.
అన్నీ అనుకున్నట్లు జరిగితే ఈ సినిమాను 2027 సంక్రాంతి కానుకగా ప్రేక్షకుల ముందుకు తీసుకురావాలని చిత్రబృందం భావిస్తోంది. ఈ చిత్రంలో రాశి ఖన్నా కీలక పాత్రలో నటిస్తుండగా, అనిరుధ్ రవిచందర్ సంగీతం అందిస్తున్నారు. రజినీకాంత్ డాక్టర్గా కనిపించనున్న ఈ సినిమా ఎలాంటి కథతో తెరకెక్కుతుందో తెలియాలంటే మరికొంత కాలం వేచి చూడాల్సిందే.