కన్నడ రాకింగ్ స్టార్ యష్ హీరోగా తెరకెక్కిన భారీ యాక్షన్ చిత్రం ‘టాక్సిక్’ (Toxic) విడుదలకు సిద్ధమవుతోంది. గీతూ మోహన్ దాస్ దర్శకత్వం వహించిన ఈ సినిమాలో కియారా అద్వానీ, రుక్మిణి వసంత్, తారా సుతారియా, హుమా ఖురేషి హీరోయిన్లుగా నటించగా, నయనతార కీలక పాత్రలో కనిపించనున్నారు.
ఇప్పటికే యూఎస్ మార్కెట్లో ఈ సినిమా ప్రీమియర్ షోలకు సంబంధించిన బుకింగ్స్ ప్రారంభమయ్యాయి. కన్నడ, తెలుగు వెర్షన్లకు బుకింగ్స్ అందుబాటులోకి రావడంతో తెలుగు వెర్షన్కు అనూహ్యమైన స్పందన లభిస్తున్నట్లు సమాచారం. ప్రస్తుతం బుకింగ్స్ పరంగా కన్నడ వెర్షన్ కంటే తెలుగు వెర్షన్ ముందంజలో ఉన్నట్లు తెలుస్తోంది.
యష్కు తెలుగు రాష్ట్రాల్లో ఉన్న క్రేజ్కు ఇది నిదర్శనంగా చెప్పొచ్చు. బుకింగ్స్లో ఇదే జోరు కొనసాగితే ‘టాక్సిక్’ తెలుగు వెర్షన్కు భారీ ఓపెనింగ్స్ దక్కే అవకాశం ఉందని ట్రేడ్ వర్గాలు అంచనా వేస్తున్నాయి. అయితే ఫైనల్గా ఏ వెర్షన్ అత్యధిక వసూళ్లు సాధిస్తుందనేది ఆసక్తికరంగా మారింది.
ఈ చిత్రానికి రవి బస్రూర్ సంగీతం అందిస్తున్నారు. యష్, కేవీఎన్ ప్రొడక్షన్స్ సంయుక్తంగా నిర్మించిన ఈ భారీ యాక్షన్ ఎంటర్టైనర్ ఆగస్టు 26న ప్రపంచవ్యాప్తంగా గ్రాండ్గా ప్రేక్షకుల ముందుకు రానుంది.
